2025-03-18
HomeEkintza SindikalaZornotzako Salvesen Logisticako langileak zoriondu nahi ditugu euren lan-baldintzak hobetzen dituen enpresa-ituna...

Zornotzako Salvesen Logisticako langileak zoriondu nahi ditugu euren lan-baldintzak hobetzen dituen enpresa-ituna lortzeagatik

Salvesen Logística Zornotzan kokatutako enpresa da, eta saltoki handien hitzarmena estatala ezartzen zaie bere 120 langileei. Lau atal ditu: esnekiak, fruta, haragia eta arraina. Eroski enpresarentzat soilik egiten du lan, eskaerak prestatuz. Enpresa-batzordea LABeko 5 ordezkarik, ELAko 3k eta CCOOko batek osatzen dute. Langileek kontzentrazioak eta grebak egin dituzte, eta saltoki handien hitzarmen estataleko hainbat atal nabarmen hobetzen dituen enpresa-ituna lortu dute.

Enpresa-itunak 2 urteko indarraldia izango du (2025-2026), eta hainbat hobekuntza ziurtatuko ditu. Genero-arrakala amaitzea lortu dugu; izan ere, esnekien sektorean, feminizatuenean, soldatak beste ataletakoekin berdintzea lortu dugu. Lizentziak hobetzea ere lortu dugu, lanaldia murriztea (8 ordu indarrean dagoen urte bakoitzean), aldi baterako lan-ezintasunak % 100ean estaltzea, soldata KPIren gainetik igotzea eta aintzinatasuna hobetzea.

LABetik, Salvesen Logistikako langileek erakutsi dituzten konpromisoa eta erabakitasuna zoriontzen ditugu. Beste behin ere, argi geratu da borrokak merezi duela.

AZKEN ALBISTEAK | ÚLTIMAS NOTICIAS

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.

LAB, STEILAS, ELA eta CCOO sindikatuek EAEko hezkuntza publikoko irakasleen eta sukalde eta garbiketako kolektiboak barnebiltzen dituen grebaren erregistroa egin dute

LAB, STEILAS, ELA eta CCOO sindikatuak Donostiako Lurralde Ordezkaritzan elkartu dira EAEko Hezkuntza publikoko irakasleen eta sukalde eta garbiketako kolektiboak barnebiltzen dituen greba dinamikaren erregistroa egin eta urtarrilean hasitako greba eta mobilizazio zikloari jarraipena emateko.

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin