Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: āHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā.
LABek 50. urteurrena du aurten. Horren harira eta sindikatuaren bilakaera aipatuz, Aranburuk zehaztu du āsustraiak ondo oinarrituta, enborra sendo eta eta adarrak zabalduzā joan dela LAB: āZabalduz joan gara; Euskal Herriari aukera berriak zabaltzen ari gara, LAB langile guztien tresna izan dadinā.
Aranburuk zehaztu du LAB aitzindaria izan dela proposamen berritzaile eta eraldatzaileak egiten, eta hor kokatu du banaketa hirukoitza; enplegua, zaintza eta aberastasunaren banaketa, hain zuzen ere: āHau bezalako proposamenekin hauspotzen ditu LABek bere eguneroko borroka eta ekintza soziosindikala. Eta horren ondorio da bizitzen ari garen greben eta mobilizazioen areagotzeaā.
Zaintza lan guztiak ezinbestekoak direnez, gaineratu du beharrezkoa da lan horiek aitortza politikoa eta ekonomikoa izatea.
Lanaldi murrizketaren beharra ere hizpide izan du Aranburuk: ā30 orduko lan astea defendatzen dugu, enplegu eta zaintza lanak berrantolatzekoā. Ildo horretan, zaintzagatik lanaldia eteteko aukera planteatu du.
Enpleguaz, āadministrazioak herritar guztiei bermatu beharreko eskubidea delaā adierazi du Aranburuk, āeta horren faltan, gutxieneko soldataren adinako kalte-ordaina ordaindu beharko lukeā.
Ondasuna banatzeko bideak ere hizpide izan ditu Aranburuk. Batetik, soldatak duintzea, āerosahalmenaren galerari aurre egiteko soldatak hobetzeaā, 1.400 eurotako gutxieneko soldata helburu moduan kokatuta. Bestetik, āzerga politika progresiboa, zerbitzu publikoen kalitatea hobetzeko diru gehiago bildu eta diru publikoa egoki erabiltzekoā.
Aranburuk gaineratu du EAJren eta PSEren egungo EAEko gobernuak aldaketa behar duela: āAldaketa gero eta gertuago ikusten dugu; gu ere bagara aldaketa horren motore eta jarraitu dezagun aldaketa hori bultzatzenā.
Horrez gain, Aranburuk adierazi du āekintza sindikal borrokalariarekin, eta negoziazio kolektiboak eskaintzen dizkigun aukerak baliatuz, euskal esparrua zabaltzenā ari garela. Borondaterik balego, egungo eskuduntzekin, langileen mesedetan politika publiko ausartagoak egin litezkeela adierazi du. āBaina ez gara horrekin konformatzen: egungo autogobernu maila gainditu behar da. Hemen erabaki behar ditugu gure lan eta bizi baldintzak, eta, horretarako, estatus politikoak berritu behar diraā, gaineratu du.
LABen izaera soziopolitikoa ere aldarrikatu du Aranburuk, negoziazio kolektibora mugatuko ez den sindikatua baita. āAzken 50 urteotan bezala, klase borrokan eta askapen borrokan eragile aktibo izango gara, herri honek eta langileok behar ditugun eraldaketa soziala eta aldaketa politikoak bultzatuzā.
50. urteurrena eta mobilizazioa
LAB bere 50. urteurrena ospatzen ari da 2024 honetan eta horrek ere bere lekua izan du Aldabe Gizarte Etxean egindako ekitaldian. Horrela, urteurreneko artelana erakutsi dute bertan berau egin duen Zirika artistak eta GarbiƱe Aranburu koordinatzaile orokorrak. Artelanak zuhaitz bat irudikatzen du, sustrai sendoak eta adar zabalak dituena. Izan ere, Zabaltzen da LABen 50. urteurreneko leloa.
Ekitaldian Igor Chillon LABeko Gasteiz-Lautada-Errioxako arduradunak ere hartu du hitza, eta aipatu du Araban LABek inoiz izandako zabalkunde handiena duela gaur egun. Azken hamarkadetan herrialdeko borroketan sindikatuak izan duen paper garrantzitsua ere nabarmendu du. Era berean, militantziari aitortza ere egin diote, agurra dantzatuz. Ekitaldiaren ondoren, ehunka lagunek manifestazioa egin dute Zaramaga auzoraino.
![](https://www.lab.eus/wp-content/uploads/2024/03/Amaiera_1-1024x682.jpg)
![](https://www.lab.eus/wp-content/uploads/2024/03/Amaiera_2-1024x682.jpg)
![](https://www.lab.eus/wp-content/uploads/2024/03/Amaiera_3-1024x682.jpg)
![](https://www.lab.eus/wp-content/uploads/2024/03/Amaiera_4-1024x682.jpg)
![](https://www.lab.eus/wp-content/uploads/2024/03/Sozioko-1024x682.jpg)
![](https://www.lab.eus/wp-content/uploads/2024/03/Manifa_4-1024x682.jpg)
![](https://www.lab.eus/wp-content/uploads/2024/03/Manifa_3-1024x682.jpg)
![](https://www.lab.eus/wp-content/uploads/2024/03/Manifa_2-1024x682.jpg)
![](https://www.lab.eus/wp-content/uploads/2024/03/Agurra-1024x449.jpg)
![](https://www.lab.eus/wp-content/uploads/2024/03/Artelana-1024x768.jpg)
![](https://www.lab.eus/wp-content/uploads/2024/03/Ekitaldia-1024x473.jpg)
![](https://www.lab.eus/wp-content/uploads/2024/03/Garbine-Aranburu.jpg)
![](https://www.lab.eus/wp-content/uploads/2024/03/Delegatuak-1024x682.jpg)
![](https://www.lab.eus/wp-content/uploads/2024/03/Chillon-1024x768.jpg)