2024-07-23
HomeZerbitzu PublikoakOsasungintzaBeste urrats bat Osakidetzako buruzagi “toxikoen” salaketan

Beste urrats bat Osakidetzako buruzagi “toxikoen” salaketan

LABek aurrera daraman buruzagitza “toxikoak” seinalatzeko kanpainarekin beste urrats bat emango dugu abenduan. Zentro bakoitzeko jefatura toxikoak salatzeaz gain, Osakidetza osoan hilabete hauetan gehien nabarmendu diren hiru buruzagitzak aukeratuko ditugu, herrialde bakoitzeko bana. Aukeraketa ez da batere erraza izango, izangai asko eta asko baititugu zoritxarrez.

Beste ekinbide batzuen artean, kartelen bidez salatuko dugu hiru jefatura hauen jokabide penagarria. Agerikoa da azken urteotan Osakidetzako langileon lan-eskubideen urraketak biderkatu egin direla. Gero eta maizago gertatzen dira eta gero eta langile gehiagori. Esan dezakegu nagusien aldetik, zigorgabetasuna erabatekoa dela.

Krisi ekonomikoaren aitzakiapean azken urteotan ezarritako murrizketek halabeharrez lan-eskubideen murrizketak ekarri dituzte. Eskubide batzuk legez kendu dizkigute eta beste batzuk murriztu nahi dizkigute egunerokoan, gurea dena ezeztatuz,beste barik,defacto, murrizketa horiek “lege” bihurtunahian.

Aurreko batean, Osasun Sailburutik gogor kritikatu zuten LABen kanpaina, “profesionalak desprestigiatzeko helburu zuela” eta “gaindituta dagoen beste garai bateko jarrerak zirela” argudiaturik. Beste garai bateko kontua Osakidetzako hainbat jefaturen inpunitatea da, kortijo batean baleude bezala aritzen direnak. Salatzen ditugun egoera guztiak behin eta berriro beste modu batzuen bitartez saiatu gara konpontzen, baina ez digute inolako kasurik egin. Beraz, gelditzen zaigun bide bakarra mobilizazio eta salaketa publikoarena da.
Izan ere, kalitatezko Osakidetza publikoa dugulako helburu egiten ditugu salaketa hauek. Jefatura hauen jarrerek ez diete inolako onik egiten gure osasun zerbitzuari. Lan-eskubideak eta errespetua babesten ez dituen Osakidetza ezin da izan Osakidetza osasuntsu bat.
 

 

 

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.