2025-03-20
HomeZerbitzu PublikoakUdal eta Foru AdministrazioaUdalhitzen negoziazio mahaitik altxatu gara

Udalhitzen negoziazio mahaitik altxatu gara

Udalhitzen negoziazio mahaiko azken bileran, atzo, LABek negoziazio mahai horretan ez jarraitzea erabaki zuen. Askotan salatu dugu EUDELek ez duela beharrezkoa den seriotasunez jokatzen eta euren hauteskunde interesen arabera dabiltzala lanean beti. Bake soziala lortu nahirik, negoziatzen ari garen irudia eman nahi dute, baina gu ez gaude bide hori egiteko prest.

EUDELen izaera juridikoa, zalantzan jartzen dugu LABen eta beti salatu izan dugu Udalhitz ez dela betebeharreko akordioa. Hau guztia gutxi balitz, EUDELek ez die zentzuzko erantzunik eman 2017ko maiatzaren 12ko bileran LABek egindako eskariei, eta euren jokoan ez jarraitzeko erabakia hartu dugu.

Gainera, bitxia da EAJren jokabidea. PPrekin batera, babesa emango dio Estatuko Aurrekontu Legeari. Lege honek negoziazio gaitasuna mugatuko du eta murrizketak ezarriko dizkigu administrazioko langileoi. Besteak beste, birjartze tasa mantenduko du Lege honek eta, beraz, udalek ezin izango dute lanpostu berririk sortu. Madrilgo PNVk udal autonomiari egingo zaion eraso hau babesten duen bitartean, EUDELeko PNVk dio udal autonomia defendatuko duela negoziazio mahaian. Zein PNVri egingo diogu kasu langileok?

EUDELen jarrera ikusirik argi daukagu euren lehentasunen artean ez gaudela herritarrak eta langileak. Espainiako gobernuak baimentzen dituen “apurrak” baino ez dituzte onartzen udal langileontzat; Espainiako gobernuaren politika antisozialen menpekoak dira. Eta honen guztiaren aurrean, PNV gustora dabil.

Honen guztiaren aurrean, LABek ezin dio zilegitasunik eman horrelako mahai bati. PNVren babesarekin, Espainiako gobernuak ezartzen dio Udalhitzen mahaiari gai ordena, eta hau erabat gaitzesgarria egiten zaigu guri. LABen argi dauzkagu lehentasunak: enplegu publikoa sortu, zerbitzu publikoen aldeko apustua indartu eta pribatizatuak birmunizipalizatu, euskara eta berdintasuna bultzatu eta lan osasuna zaindu, mutualitateak bazterrean utziz. Honen alde jarraituko dugu borrokan.
 

 

 

AZKEN ALBISTEAK | ÚLTIMAS NOTICIAS

Manifestazioa Iruñean apirilaren 5ean soldata eta pentsio duinen alde

Gaur Iruñean egin den prentsaurrekoan parte hartu dugu. Jarraian dituzue edukiak:

Grebak eta mobilizazioak Arabako egoitzetan herrialdeko hitzarmenaren alde eta zaintza sistema publiko eta komunitarioa eskatzeko

Arabako Aldundiaren pribatizazio joerek egoera larrian jarri dituzte bai langileen bizi-baldintzak baita zaintza-sistema ere. Horregatik, beste behin ere, adinduen egoitzetako langileak atzo eta gaur grebak egin eta kalera irten gara lan hitzarmen probintziala negoziatzeko eta zaintza publiko eta komunitarioko sistema bat aldarrikatzeko.

Gipuzkoako egoitzetako langileek hitzarmen duina exijitu dute

Gipuzkoako egoitzetako langileek elkarretaratzea egin dute gaur Lan Harremanen Kontseiluaren aurrean, Donostian, hitzarmen duina eskatzeko.