2025-03-27
HomeEkintza SindikalaUdalerriko Eguneko Arretarako Landa Zentroko langileen lan-baldintzak sektore publikokoekin parekatzeko eskatzen dio...

Udalerriko Eguneko Arretarako Landa Zentroko langileen lan-baldintzak sektore publikokoekin parekatzeko eskatzen dio LABek Amurrioko Udalari

Aspaldi bideratu zuen LAB sindikatuak bere ekintza sindikala eta negoziazio kolektiboko estrategia zaintza sistema publikoa lortzera. Hego Euskal Herriko administrazioei pribatizatutako zaintza langileen publifikazioa exijituz eta zaintza zerbitzuen kudeaketa publikoa aldarrikatuz.

Bide honetan, etxez etxeko laguntza zerbitzuko langileekin batera, zerbitzu honen pribatizazioarekin bukatzeko eta bertan lanean aritzen diren langileen publifikazioari bide emateko urrats ezberdinak eman ditugu.

Amurrioko Udalaren kasuan, LAB sindikatutik, Eguneko Arretarako Landa Zentroko (EALZ) langileekin batera, zerbitzua hobetzeko, lan baldintzak duintzeko eta zerbitzuaren kudeaketa publikoaren aldeko lanean hasi gara. Lehen helburua EALZ zerbitzuko langileen lan baldintzak udaletxeko langileen lan baldintzekin parekatzea izan da. Amurrion zerbitzua kudeatzen duen enpresa pribatuarekin parekatzea negoziatzeaz gain, udalaren borondatea eta inplikazioa ezinbestekoak dira, Amurrioko Udalak zerbitzuaren lizitazioan langile hauen lan baldintzak arautuko dituelako eta langileen lan baldintzen ekiparazioa sostengatu beharko duelako.

Azken urtean zehar, zerbitzuaren pleguak berritu baino lehenago, hainbat bilera egin ditugu udalarekin, eta haien hitzetan badute zaintza sistema publikoaren alde urratsak emateko borondatea, eta pribatizatutako zaintza langileen lan baldintzak hobetzearen aldeko apustua egiten dutela adierazi digute.

Aldiz, azken hilabete hauetan, nahiz eta borondate politikoa adierazi, prozesua moteltzen eta gelditzen ari dela salatu beharra dugu LABetik. Azken asteetan udaletxea bilerak atzeratzen ibili da eta horregatik arduratuta gaude eta dakigunez, zerbitzuaren eta langileen baldintzak arautuko dituen plegua publikatzear dago. LABetik Amurrioko Udalari bere konpromisoarekin aurrera egiteko eman beharreko urratsak ematea eskatzen diogu. Ardura politikoa ezinbestekoa delako eta Amurrioko biztanleek zaintza arreta zerbitzu duina jasotzea beharrezkoa dutelako. Bestalde, zerbitzu honetan lanean ari diren langileen lan baldintzak duintzea beharrezkoa da, langile publikoen baldintzekin ekiparazioaren bitartez, pribatizatutako zaintza langileek lan publikoa egiten dutelako.

AZKEN ALBISTEAK | ÚLTIMAS NOTICIAS

Jarraipen ia erabatekoa Enviser Gasteizko Udalaren lorezaintzako kontratako greba mugagabearen lehen egunean

Gaur goizean hasi da Enviserreko enpresa-batzorde osoak (LAB, ELA eta ESKk osatua) deitutako greba mugagabea. Enviserrek Gasteizko Udalaren kontratak parkeak eta lorategiak eta hiriko eraztun berdea mantentzen ditu.

EAEko hezkuntza publikoko irakasleek gaur Bilbo, Donostia eta Gasteizko kaleak hartu dituzte

Greba zikloaren seigarren grebak jarraipen zabala izaten jarraitzen du.

LABek salatzen du Guardianeko langileak ez direla inoiz lehentasuna izan Eusko Jaurlaritzarentzat

Mikel Jauregui Eusko Jaurlaritzako Industria sailburuak, astearte honetan Eusko Legebiltzarrean egindako agerraldian, zenbait baieztapen egin ditu eta agerian utzi du Guardian enpresako langileak eta haien lanpostuak ez direla inoiz lehentasuna izan Eusko Jaurlaritzarentzat.