TRWko gatazkaren amaieraren harira LABek ondoko hau salatzen du:
1. UGT eta CCOO-k adostu duten akordioak TRW-n lan baldintzen galera izugarria suposatzen du. Akordioak Nafarroan eredugarri izan den lan hitzarmena bat xahututa uzten du.
2. TRW-k etekinak eman dituen eta ematen dituen enpresa da prozesu guztian zehar baieztatu izan den bezalaxe, honek kaleratzeak oraindik ere injustuago bihurtzen ditu eta multinazionalaren krudeltasuna agerian uzten du.
3. Proposamenak ez du lantegiaren etorkizunik bermatzen. Azken proposamenean argi uzten du multinalazionalak, lan zamak ez direla aski izango eta datozen lan zama urriak ekarri bezala nahi duenean eraman ditzakela. Honekin batera, enpresak berriro ere kaleratze kolektiboak egiteko aukerari ateak irekita uzten dizkio.
4. Nafarroako Gobernuak egindako adierazpenak bereziki larriak iruditzen zaizkigu, non TRW gatazkararen bukaera positibotzat jotzen duen. Onartezina da kaleratze masiboak suposatu eta lan baldintzen murrizketa izugarriak dituen akordioak justifikatzea are eta gehiago motibo objetiborik ez dagoenean, multinazionalaren diru egarria baino gehiago.