Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.
LAB, ELA, CCOO EUSKADI, CCOO NAFARROA, UGT EUSKADI ,ESK, CGT LKN, STEILAS, SOLIDARI, EHNE NAFARROA, ETXALDE eta HIRU sindikatuok egin dugu deialdi bateratua, Israelen giza-eskubideen urraketak berehala gerarazi behar direla exijitzea xede izan duena.
LABen izenean GarbiƱe Aranburu eta Igor Arroyo koordinatzaile orokorrek hartu dute hitza Bilbon eta IruƱean, hurrenez hurren. Bada, nabarmendu nahi izan dute egoeraren larritasunaren aurrean ia sindikatu guztiok bat egin izana: āAdos jarri gara Israelen barrabaskeria hau amai dadila eskatzeko; ados jarri gara Palestinan gauzatzen ari den okupazio ilegalari amaiera jarri behar zaiola eskatzekoā.
Hala, Israelen inpunitatearekin bukatu beharra azpimarratu dute koordinatzaileek, baita armak bidaltzeari utzi egin behar zaiola ere. āEuskal instituzioei eta patronalari eskatzen diegu eten ditzatela Israelekin dituzten harreman komertzial, ekonomiko eta bestelakoakā. Hala, mobilizatzen jarraitzeko asmoa iragarri dute LABeko koordinatzaile orokorrek, eta langileei dei egin diete protesta ekimenetan parte hartzeko.
Hiriburuetan ez ezik, hainbat eta hainbat lantokitan ere mobilizatu gara gaurko egunez Palestinari elkartasuna adierazteko asmoz.