2025-03-22
HomeEmakumeakJardunaldia"Emakumeen* gaixotasunak bistara" jardunaldia dela eta, elkarrekin hausnartzen aritu gara egungo errealitatean...

“Emakumeen* gaixotasunak bistara” jardunaldia dela eta, elkarrekin hausnartzen aritu gara egungo errealitatean elkarrekin eragiteko

Mintegia antolatu dugu Donostian, Emakumeen Osasunaren Nazioarteko Egunaren harira. Hala, emakumeak eta lan gaixotasunak hizpide ditugu, eta sexuaren araberako lan banaketa, soldata arrakala, lurzoru itsaskorrak, lanaldi murriztuak eta zaintza lanaren banaketa eza gisako ezaugarriek emakumeon* osasunean eragin handia dutela berretsi dugu.

Apirilaren 28an, langileon osasunaren nazioarteko egunaren harira, eredu kapitalistak ezarritako inposaketa eta eraso basatien ondorioz gure osasuna okerrera egiten ari dela salatu genuen eta arreta berezia jarri genuen emakumeok* eta gorputz ez-binariook pairatzen dugun egoera larrian.

Emakumeak* lan merkatuan baldintza eta kokapen sozial, laboral eta ekonomiko ezberdinetan gaude eta honek esan nahi du arrisku ezberdinak pairatzen ditugula; hortaz osasun arazo ezberdinak garatuko ditugula.

Honen guztiaren inguruan sakonki gogoetatzeko beharra dago. Helburu honekin, "Genero ezberdintasunak lan osasunean" izenburupean formakuntza saioa antolatu dugu, gaur, Donostian. Hain zuzen ere, Maiatzaren 28a da gaur, Emakumeon Osasunaren Nazioarteko Eguna, eta data hori baliatuta egin dugu mintegia.

Formakuntza saio hau emakume* liberatu eta delegatuei zabaldua egon da.

 

 

 

AZKEN ALBISTEAK | ÚLTIMAS NOTICIAS

LABek Sunsundeguin ekintzara pasatzeko deia egiten du

Une honetan 300 lanpostu baino gehiago daude jokoan Altsasun; etorkizunerako estrategikoa dirudien sektore batean, merkatua duen produktu batekin. Sunsundegui azaroaren 5ean borondatezko hartzekodunen konkurtsoan sartu zenetik 4 hilabete betetzera doazenean, legezko epeak erretzen joan dira. Oraindik ez da zehaztu balizko inbertsore baten aukerak aurrera egingo duen ala ez.

LABek Hezkuntza Saileko sukalde eta garbiketako langileen hitzarmena sinatu du 16 urteren ondoren

Azken urteetan hamaika mobilizazio, greba, salaketa egin ditugu Hezkuntza Saileko kolektibo feminizatuenaren eta lan baldintza prekarioenak dituenaren lan baldintzak errespetatu eta hobetu daitezen. Pribatizazio prozesu bortitzena jasan duen sektorea da, zerbitzuetako lan batzuk azpikontratatuta baititu sailak.

Premiaz, Palestinaren alde kalera

LABek bat egiten du Gernika-Palestinak deituta bihar 17:30ean Donostian egingo den manifestazioarekin.