2025-02-20
HomeEkintza SindikalaPIMESA enpresan akordioa #LortuDugu

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Asteazken honetan, 2024ko uztailaren 17an, langileek batzarrean akordioa berretsi ondoren, Enpresako Zuzendaritzak eta UGT, LAB eta CCOO sindikatuek osatzen duten Enpresa Batzorde osoak lortutako akordioa sinatu da, joan den uztailaren 10ean egindako batzarrean gehiengoz akordioaren alde bozkatu ondoren.

Lau hilabete baino gehiagoko negoziazioen ondoren eta langileek mobilizazioen egutegiarekin hasi ondoren, sindikatuek enpresaren zuzendaritzarekin akordio bat egin dute, eta 4 urteko indarraldirako eduki hauek jaso dituzte:

• KPI + %1eko soldata igoera.

• Urteko lanaldia 15 ordu murriztea.

• 15 urtera arte luzatzea, adingabea zaintzeagatik lanaldia murriztea eskatzeko eskubidea.

• Kategorien gaiari heltzeko Batzorde Paritario bat eratzea, gehienez ere 6 hilabeteko epean, sinatzen denetik hasita.

• Hitzarmenaren sinaduran kontsolidatu ezin den ordainsaria eta hurrengo hiru urteetarako salmenten araberako plusa.

Aipatzekoa da LABek prozesu osoan izan duen konpromisoa, bai negoziazio mahaian bai borroka sindikalean. Beste behin ere erakutsi dugu LABek beti planteatu dituela proposamenak eta ekintzak prozesu osoan zehar, hori guztia PIMESAko langileen lan-baldintzak hobetzeko helburu bakarrarekin, aurrera eramandako mobilizazioak dinamizatuz.

Era berean, PIMESAko langileak zoriondu nahi ditugu, euren ekimenari eta borrokari esker langileen baldintzak nabarmen hobetzea lortu dutelako.

Azkenik, gogorarazi nahi dugu beste behin ere, langile klasearen borrokari esker, hobekuntza hauek lortu ahal izan direla. Borrokak merezi du!

AZKEN ALBISTEAK | ÚLTIMAS NOTICIAS

LABek norabide aldaketa eskatu du industria politikan trantsizio ekosozialerako

Lau oinarriren gainean egin beharko litzateke hau: trantsizio planifikatua, prebentiboa eta langileen parte hartzea ziurtatu behar duena; esku-hartze publiko sendoa; lanaldi murrizketa 30 orduko lan-astera eta kaleratzeen eta deslokalizazioen kontrako legeak indartzea.

LABek kezka adierazi nahi du Eusko Legebiltzarrak EITBko administrazio kontseilurako UGTren ordezkaria hautatuko duelako

19 kide aukeratu behar dira, eta horietariko bat sindikatuetako ordezkari bat izan ohi da. Oraingoan, badirudi negoziazioetan EAJk sindikatuetako ordezkaria UGTko kidea izatea inposatu duela, logikatik at.

Hezkuntza publikoaren alde mugitzen ari gara

Gaur "Hezkuntza Publikoaren alde - Muévete por la Pública" kanpainaren lehen lanuztea egin dugu Baztan-Bidasoa eskualdean. Hiru elkarretaratze eta beste hainbeste asanblada jendetsu izan ditugu Beran, Elizondon eta Donezteben. Bertako irakasleekin bildu gara eta lehen eskutik jaso ditugu beraien kezka eta proposamenak. Beste behin ere argi geratu da Hezkuntza Departamentuak inbertsioa handitzea beharrezkoa dela, besteak beste inklusioa bermatzeko, nabaria baita baliabide pertsonalen falta, ikasleen beharrak asetzeko irakasle gehiagorena alegia.