2024-12-22
HomeEkintza SozialaHelduak eta PentsiodunakPentsionisten Plataformak aurkeztutako HELak sindikatuen babesa jaso du

Pentsionisten Plataformak aurkeztutako HELak sindikatuen babesa jaso du

LAB, ESK eta STEILAS sindikatuek babestu eta bat egiten dugu Hego Euskal Herriko Pentsionisten Plataformek aurkeztu duten Herri Ekimen Legegilearekin eta langileei dei egiten diegu euren sinadura eman dezaten eta orain eta etorkizunean Pentsio Publiko Duinak berma daitezen.

Dei egiten diegu alderdi politikoei bidezko aldarrikapen hauek egia bihurtzeko oztoporik jar ez dezaten eta Gasteiz eta Iruñeko parlamentuetatik HEL honetako sinadura-bilketa erraz dadom, Hego Euskal Herriko pentsiodun guztiek pentsio duina izan dezaten. Instituzioek herritarren eskubideak bermatu behar dituzte, herritarren interesen alde lan egin behar dute, hortaz, ezin dute beste alde batera begiratu aldarrikapen hauek aurrean.

Modu berean nabarmendu nahi dugu ze garrantzitsua den Euskal Herria Babes eta Gizarte Segurantzako Sistema Propioa martxan jartzeak, Madriletik inposatzen dizkiguten murrizketen araberakoa izango ez den sistema propioa bermatzeko helburuarekin diru-sarrera zein gastuak kudeatuko dituena.

Pentsionisten Plataformek eman duten urratsa oso garrantzitsua dela baloratzen dugu kalera atera dutelako pentsio duina bermatzearen beharra. Honek horrenbeste urtetako lanaren ondoren duintasunez bizitzea ahalbidetuko lieke eta pobrezian eta hilabete amaiera ezin iritsirik egotea eragotziko luke.

Horregatik guztiagatik, LAB, ESK eta STEILAS sindikatuok begi onez ikusten dugu Eskubide Sozialen Aldeko Hego Euskal Herriko Pentsionisten Plataformen ekimena eta gure babes osoa ematen diegu, gure lankidetza eskainiz.
 

 

 

AZKEN ALBISTEAK | ÚLTIMAS NOTICIAS

LABek Osalanera eraman du indarkeria matxistaren aurkako bideorria, lantokietako prebentzio sistemetan derrigorrez integratua izan dadin

Gaur, LAB sindikatuak enpresetako prebentzio sisteman indarkeria matxistaren arriskua integratzeko plana aurkeztu du Osalango kontseilu nagusian. Plan horrek lanean ere emakumeek pairatzen duten arrisku...

LABek Ezkirozko BSH lantegiaren eta, oro har, Nafarroako industriaren etorkizunaren aldeko manifestazioan parte hartzera deitu ditu nafarrak

BSH multinazionalak Ezkirozko lantegia itxiko duela iragarri ostean, langileek irmotasunez erantzun zuten abenduaren 18an, Parlamentuaren aitzinean eginiko elkarretaratze jendetsu baten bidez. Hala ere, egoeraren...

Presoen etxeratzea eta behin betiko konponbidea aldarrikatu ditugu Hego Euskal Herriko hiriburuetan

Sindikatuok, Sare Herritarrarekin batera, mobilizazioak egin ditugu gaur Bilbon, Donostian, Gasteizen eta Iruñean, euskal presoen etxeratze prozesua azkartzeko eskatzeko, salbuespen neurriak amaiu daitezen exijitzeko...