2024-07-22
HomeFederazioakZerbitzu PublikoakPAGNAko Gerentzia kudeaketa pribatuko eredu bat sustatzen ari da bere egoitza publikoetan

PAGNAko Gerentzia kudeaketa pribatuko eredu bat sustatzen ari da bere egoitza publikoetan

Pertsonen Autonomiarako eta Garapenerako Nafarroako Agentziako (PAGNA) egoitza publiko bakarrak El Vergel (Iruña), Santo Domingo (Lizarra) eta Centro San José (Iruñea) dira. Duela gutxi arte, kudeaketa-ereduetan erreferenteak ziren, langile-ratio altuenak eta plantillarentzako lan-baldintza hobeak baitzituzten, eta horrek kalitate handiko zerbitzua eskaintzea zekarren.

Bada, hobetu daitekeena hobetu beharrean, bikaina zena okerragotzen ari dira. Egoitza pribatu eta itunduetako ratioak ez dira handitzen. Ez dute ezarri Europako gainerako herrialdeekin bat datorren ratiorik, Egoitzei buruzko Dekretu berrian. Ez dira laguntzen ari sektoreko hitzarmen bat negoziatzen, bertan lan egiten duten pertsonen lana duintze aldera. Ez dute helburutzat kudeaketa publikoaren eredukoak berdintzea edo hobetzea. Ez dute Nafarroako Egoitza Publikoen Sarerik sortu nahi. Justu kontrakoa egiten ari dira. Arlo publikoan jarri dute jomuga, eta Nafarroako Gobernuaren hiru egoitza publiko bakarrak desegiten ari dira.

Erretiroa hartzen duen langilearen plaza amortizatzen den plaza da. Lehendabizi, aldi baterako ezintasunak, ordu sindikalak edo oporrak ordeztu gabe uzten hasten dira, plaza baztergarriak direla erakusteko.

Lotsagarria da funtzionatzen duen zerbait ukitzea, zertarako eta langileen borondate onaren eta bokazioaren kontura kostuak aurreztu nahi dituen eredu bihurtzeko. Eredu horrek lan-kargak handitzen ditu, eta langileen osasuna arriskuan jartzen du. Ordutegiak eta lanaldiak aldatzen ari dira, eta horrek ez du ahalbidetzen familia eta lana ongi uztartzea. Lan-baldintzak gero eta gehiago okertzeko mehatxua egiten ere ari dira. Maila baxuko langileek beren mailari ez dagozkion erantzukizunak hartu behar izaten dituzte. Azken batean, publikoa dena hondatzen ari dira.

Eraisketa hori gelditzeko eskatzen dugu. Kalitatezko eredu publiko baten alde.

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.