2025-03-18
HomeIndustriaMetalgintzaOnartezina da TUBACEXek balizko jaitsiera bat arindu nahi izatea langile eta herritarron...

Onartezina da TUBACEXek balizko jaitsiera bat arindu nahi izatea langile eta herritarron lepotik

Tubacexeko LABeko Atal Sindikalak enpresako Kontseilari Ordezkaria den Jesús Esmorísek balizko ERE baten inguruan (uztailaren 7an) planteaturiko asmoak arbuiatu eta salatzen ditu.

ONARTEZINA DA TUBACEXEK, DITUEN IRABAZIEKIN, BERE NEGOZIOAREN BALIZKO JAITSIERA BAT ARINDU NAHI IZATEA LANGILEON ESKUBIDEEN ETA HERRITARRON DIRUAREN LEPOTIK

Tubacexeko LABeko Atal Sindikalak gure enpresako Kontseilari Ordezkaria den Jesús Esmorísek balizko ERE baten inguruan (uztailaren 7an) planteaturiko asmoak arbuiatu eta salatu nahi ditugu.

Tubacexeko LABeko Atal Sindikalak gure enpresako Kontseilari Ordezkaria den Jesús Esmorísek balizko ERE baten inguruan (uztailaren 7an) planteaturiko asmoak arbuiatu eta salatu nahi ditugu.

Hasteko eta behin, salatu nahi dugu errespetu falta itzela suposatzen duela bai langileok eta baita bere ordezkariok ere enpresaren intentzioen berri komunikabideen bitartez izatea. 

Adierazpen hauek harrigarriak egiten zaizkigu iazko eta aurtengo ekitaldiaren hasieran enpresak izandako emaitza ekonomikoak kontutan hartuta, zeinak aurreko ekitaldietakoak hobetu dituzten, milioi askoko etekinak lortuz. 

Gainera, Tubacexeko Zuzendaritzak bere intentzioak publiko egiten dituen bitartean, Kantabriako lantegiko inbertsioekin jarraitzen du, eta honekin esatera dator guztion dirua oparituko diegula beraien proiektua finantzatzeko. Onartezina da horrelako irabaziak dituen enpresa batek bere negozioaren balizko jeitsiera bat arindu nahi izatea Tubacexeko langileon eskubideen eta herritarron diruaren lepotik.

Bestalde, Kontseilari Ordezkariak gezurra esaten du erreleboen murrizketa dagoela aipatzean, errealitatea bestelakoa baita: apiriletik hona enpresak Euskal Herrian dituen fabriketan erreleboak gehitu dira eta ordu extrak goraka doaz.

Tubacexeko zuzendaritzari eskatu nahi diogu gure eskubideen urraketarekin mehatxatu beharrean, hobe lukeela enpresan daukagun antolaketa kaosari irtenbidea ematea, horrek inprobisazioa, antolaketa eza eta aurreikuspen faltagatik sortutako arazoei konponbidea emango liokeelako.

Laudio, 2015ko uztailaren 10a
Tubacexeko LABeko Atal Sindikala

 

 

 
 

AZKEN ALBISTEAK | ÚLTIMAS NOTICIAS

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.