2024-07-23
HomeZerbitzu PublikoakOsasungintzaNekane Murgarekin bilera eskatu dugu Osakidetza EPEko 19 mediku kategoriaren prozesua geldi...

Nekane Murgarekin bilera eskatu dugu Osakidetza EPEko 19 mediku kategoriaren prozesua geldi dezan exijitzeko

Arduraz joka dezan exijitzen diogu Osakidetzari, ehunka hautagairen itxaropenekin ez jolasteko. Susmagarriak diren eta ikertzen ari diren kategorien prozesuarekin normaltasunez aurrera egitea erabaki larri eta arduragabea da; eta Osakidetzako zuzendaritza erabaki honek ekar litzakeen ondorioen erantzule bakarra izango da.

Pasa den irailaren 26an, Osakidetzako Giza Baliabideen zuzendaritza berriak 8 mediku kategoriaren hautagaien zerrendak argitara eman zituen. Zortzi kategoria hauen artean badaude bi (Medikuntza Nuklearra eta Oftalmologia) LAB sindikatuak salatu dituenak, azterketen emaitzetan alde handia zegoelako hautagai gehienen eta gutxi batzuen artean, hain zuzen ere, jokoan zeuden plazak bezainbeste. Hilabete batzuk beranduago jakin genuen Oftalmologiako hautagai batek irregulartasunak salatu zituela, baina Osakidetzak kategoria horretako epaimahaiak hori ez ikertzeko hartu zuen erabakia ontzat eman zuen. LABetik salatu nahi dugu Osakidetza mugimendu hauek guztiak erabiltzen ari dela ikerketa oztopatzeko.

Horregatik, Nekane Murgarekin biltzeko eskatu dugu, aurrez aurre exijitzeko LABek salatu dituen 19 kategorien EPE prozesua geldi dezan, horien artean Oftalmologia eta Medikuntza Nuklearra.

Nora eraman nahi gaitu Osakidetzak, itxaropen faltsuak sustatuz eta instrukzio penal baten barruan dauden plazak esleituz?

Gogora ekarri nahi dugu fiskaltzak salatu dituen 11 kategorietako hiru baino ez dituela modu ofizialean gelditu Osakidetzak. LABen ustez, 11 baino, 19 kategoria ikertu behar dira irregulartasunak argitzeko eta gutxieneko bermeko EPE prozesua aurrera eraman ahal izateko.

Bitartean, Osakidetzak egintza burutuen dinamikan jarraitzen du; Osakidetzako zuzendaritza berriari eskatzen diogu, berriro ere, jarrera harroputz eta oztopatzailea albo batera uzteko.

 

 

 

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.