2025-03-13
HomeEkintza SindikalaNafarroako Erriberako Schindler igogailuen laguntza zerbitzuan greba mugagabea abiatu dugu

Nafarroako Erriberako Schindler igogailuen laguntza zerbitzuan greba mugagabea abiatu dugu

Laguntza iraunkorreko zerbitzuko (guardiako zerbitzuko) langileek greba mugagabea abiatu dute aste honetan, beren lankideek baino baldintza okerragoak dituztelako eta berdintasuna exijitzen dutelako.

Lanaldi arruntak ohiko funtzionamendua izango du, astelehenetik ostegunera 8:30etik 18:30era eta ostiraletan 8:30etik 15:15era. Ordutegi horretatik kanpo sartzen da etengabeko laguntza-zerbitzua, grebak zerbitzu horri eragingo dio eta agintari eskudunak
ezartzen dituen gutxieneko zerbitzuak egingo dira.

Nafarroako Erriberako langileek Nafarroako gainerako langileentzat itundutakoa baino ordainsari txikiagoa jasotzen dute zerbitzu horrengatik, eta berdintasuna eskatzen dute: lan bera, konpentsazio bera. Langileek proposamenak aurkeztu dituzte, malguak izan dira, baina orain arte ez da akordiorik lortu enpresarekin.

Enpresarekin elkarrizketa izateko bide guztiak agortu ondoren, langileek greba-eskubideari heltzea erabaki dute.

AZKEN ALBISTEAK | ÚLTIMAS NOTICIAS

0-3ko euskarazko plaza gehiago bai, baina honela ez

Iruñeko udal haur-eskoletan euskarazko plazen eskaintza zabalduko da. Plaza berriak eskola mistoetan eskainiko dira, non euskarazko eta gaztelaniazko lerroak elkarrekin biziko diren.

Zerbitzu publiko eta kalitatezkoa eskatu dugu Correosen

Akordio berria eta III. Hitzarmen Kolektiboari aldaketa bat inposatzeak ondorio larriak izan ditzake Correoseko langileen lan-baldintzetan eta, hedaduraz, hauek ematen duten posta-zerbitzu publikoan. Correosen eta langile guztien etorkizuna defendatzeko, LAB, ESK eta ELA sindikatuok mobilizazioa egin dugu Donostian goizean. Arratsaldeko 18:00etan ere elkarretaratzeak egingo ditugu Bilbo, Donostia, Gasteiz eta Iruñean.

Euskal gehiengo sindikalak bat egin du Pentsiodunen Mugimenduak apirilaren 5erako deitutako mobilizazioekin

ELAk, LABek, ESK-k, STEILASek, Etxaldek eta Hiruk bere egiten dute gutxieneko soldataren eta pentsio justu eta nahikoen aldeko borroka, hemen, orain eta denontzat.