2025-03-18
HomeEkintza SindikalaNafarroako Administrazioko Nukleoko Langileen Batzordeak bi batzar antolatu ditu Hezkuntza Laguntzako Espezialisten...

Nafarroako Administrazioko Nukleoko Langileen Batzordeak bi batzar antolatu ditu Hezkuntza Laguntzako Espezialisten kolektiboak urrirako planteatu duen grebaz jarduteko

Nafarroako Foru Komunitateko Administrazio-Erroko Langileen Batzordeak Hezkuntza Laguntzako Espezialistei (HLE) zuzendutako bi batzar (bata Iruñean eta bestea Tuteran) antolatuz hasi du ikasturtea. Gainera, kolektibo horretako sindikatu guztiekin bat eginda antolatu ditu. Kolektibo horrek 500 langile inguru biltzen ditu, oso feminizatuta dago eta gainera, gehienek, kontratu partzialak sekulako egonkortasun eza jasan behar dituzte.

Batzar hauen helburua datorren urrirako greba bat prestatzea izan da, kolektiboaren lan egoera zein horrek hezkuntza premia bereziak dituzten ikasleekin egiten duen hezkuntza esku-hartzea hobetzea helburu duena.

HLE kolektiboak negoziazio mahaia irekitzea eskatzen du, aurreko legealdiaren hasieran Hezkuntza Departamentuak aldebakartasunez apurtu baitzuen. Zentzuz jokatuko dutela espero dugu: Hezkuntza eta Funtzio Publikoa ordezkaritza sindikalarekin negoziatzera eseriko direla eta ez dugula egoera hori behartzeko grebara jo beharrik izango.

AZKEN ALBISTEAK | ÚLTIMAS NOTICIAS

Bi langile hil dira aurten luma garabiak erabiltzen ari zirela

S.F.P. 62 urteko langilea hil da gaur goizean, eraikuntza lanetan ari zela, Arratzun, Bizkaian. Amuriza Cubiertas y Rehabilitaciones, SL enpresako langilea, luma garabi batekin baserri batetako teilatura materiala igotzen ari zela, goi tentsioko kable batera gerturatu da eta deskarga bat jaso du.

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.