2025-03-18
HomeIndustriaIndustria KimikoaMobilizazioei ekin diete Cementos Lemonan, enpresaren negoziaziorako borondate eskasaren aurrean

Mobilizazioei ekin diete Cementos Lemonan, enpresaren negoziaziorako borondate eskasaren aurrean

Cementos Lemonako enpresa batzordeak bost hilabete baino gehiago daramatza zuzendaritzarekin akordio bat lortu nahian. Negoziazio mahaian dagoen blokeoa salatzen du eta zuzendaritza jartzen du egoeraren erantzule, akordioa lortzeko borondate eskasa duelako, edo batere ez. Langileek elkarretaratze bat egin dute gaur, lantegiaren aurrean.

2014tik hona enpresak bilakaera positiboa izan du, alde ekonomikotik zein produktibotik. Egoera honetan, enpresa batzordeak ez du jarraian zehazten diren gaietan akordio bat lortzeko enpresaren jarrera itxia ulertzen:

– Lan baldintzak hobetu 
– Langileek, egun garaituta dagoen egoera ekonomiko eta produktibo aldi baterako onartu zituzten egoerak atzean uztea
– Etorkizunerako egonkortasun bermea adostu

Enpresa bere mendeurreneko ospakizunak prestatzen ari da Europa Jauregian eta bien bitartean, zuhurkerian dabil negoziazio mahaian langileokin akordio bat lortzeko. Zuzendaritzari gogora arazi nahi diogu mendeurren hau ospatzen bada, langileen belaunaldi batzuen ahaleginari esker izan dela.

Lau mobilizazioa egin ditu enpresak, maiatzaren 11, 18, 23 eta gaur ere bai, maiatzaren 29an. Zuzendaritzak bere jarrera aldatzen ez badu, mobilizazio gogorragoak egingo dituzte langileek. Datorren asteazkenean, hilak 31, Langileen Asanblada egingo da mobilizazioen egutegiaz eztabaidatzeko.

Cementos Lemona Arratian dagoen porlangintzako enpresa da, 130 langile dituena. Enpresa- batzordea LABeko 6 ordezkarik eta ELAko 4k osatuta dago.
 

 

 

AZKEN ALBISTEAK | ÚLTIMAS NOTICIAS

Bi langile hil dira aurten luma garabiak erabiltzen ari zirela

S.F.P. 62 urteko langilea hil da gaur goizean, eraikuntza lanetan ari zela, Arratzun, Bizkaian. Amuriza Cubiertas y Rehabilitaciones, SL enpresako langilea, luma garabi batekin baserri batetako teilatura materiala igotzen ari zela, goi tentsioko kable batera gerturatu da eta deskarga bat jaso du.

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.