2025-03-11
HomeEkintza SindikalaMobilizazioa egingo dugu Bizkaiko Foru Aldundiaren aurrean Zubietxe Elkarteko langile batek jasandako...

Mobilizazioa egingo dugu Bizkaiko Foru Aldundiaren aurrean Zubietxe Elkarteko langile batek jasandako erasoaren ondoren

Atzo, Gizardatz patronalaren parte den Zubietxe Elkarteko langile batek eraso bat jasan zuen bere lanpostuan. Elkartea Bilbon kokatuta dago, eta arrisku edo gizarte-bazterketa egoeran dauden pertsonekin egiten du lan. Besarkada bat bidali nahi diogu erasoa izan zuen langileari, eta lehenbailehen sendatu ahal izatea espero dugu.

Era berean, jakinarazi nahi dugu erakundeko zuzendaritzarekin bilduko garela eta Lan Ikuskaritzara ere joko dugula horrelako erasoak berriro gerta ez daitezen neurriak eskatzeko.

Gainera, Gizardatz patronala eta Bizkaiko Foru Aldundia salatu nahi ditugu, eraso horien erantzule direlako. Ez dira soilik eraso fisikoak, kasu honetan bezala, baizik eta Bizkaiko Esku-hartze Sozialeko langileen kolektiboak bere lanpostuetan egunero jasaten dituen arrisku psikosozialak. Errealitate hori ezkutatzen eta gutxiesten saiatzen dira Gizardatz eta Bizkaiko Foru Aldundia.

Zerbitzu publiko hauek azpikontratatzeko eta pribatizatzeko egungo eredua, Bizkaiko Foru Aldundiak eta udalek inposatzen dutena, agortuta dago. Honek, gaur egun egiten den bezala, prekaritate- eta kalteberatasun-espazioak sortzen ditu langileentzat, eta, gainera, zerbitzuaren kalitatea okertzen du.

Ezinbestekoa da zerbitzu publiko horiek pribatizatzeko egungo eredua gaindituko duen eztabaidari berehala ekitea. Esku-hartze sozialeko langileak langile publikoak dira.

Erasoa eta esku-hartze sozialeko langileek ematen dituzten zerbitzu publikoen pribatizazioa salatzeko, mobilizazioa egingo dugu urriaren 1ean, Bizkaiko Foru Aldundiaren egoitzaren aurrean, Bilboko Kale Nagusiaren 25.ean, goizeko 12:00etan.

AZKEN ALBISTEAK | ÚLTIMAS NOTICIAS

LABek Tafallako eta Erriberriko larrialdiko arreta berrantolatzea exijitzen du

Iazko irailaren 26an, Erriberriko larrialdiko arreta zerbitzua itxi zuten, eta Tafallako eskualdeko larrialdi zerbitzua egoera kezkagarrian dago. Hori ikusita, ezinbestekoa da Tafallaldeko larrialdiko arretari berehalako konponbide orokor bat ematea. Langileek eta herritarrek egoera salatu dute, eta adierazi dute ezen, Erriberriko larrialdi zerbitzua itxi ondoren, lehenengo arreta ematea langile ez-sanitarioen esku utzi dela, zehazki, administrarien esku. LABek horren berri eman zion duela hilabete batzuk bai Oinarrizko Osasun Laguntzako Zuzendaritzari, bai Ospitalez kanpoko Larrialdien Zuzendariordetzari. Hala ere, konponbideak jarri beharrean, funtzionamendu berarekin jarraitzen dute, herritarrei ematen zaien zerbitzuaren gabeziak konpondu gabe.

LABek eskubide murrizketa salatu du Bilboko El Corte Ingles-en

LAB Bilboko El Corte Ingles-en aurrean mobilizatu da langileen lan-baldintzen errealitatea enpresak saltzen duen bikaintasun-iruditik oso urrun dagoela salatzeko.

GUREAKek laneko bajak ez izatera kondenatzen ditu aniztasun funtzionala duten langileak

Mutualia erabiltzen du horretarako, ez baitu onartzen laneko istripuen jatorri laborala. Langileen minusbaliotasunak koartada gisa erabilitzen ditu, eta, hala, lanak eragindako kalteak aitortzea saihesten du.