2024-07-04
HomeZerbitzu PublikoakOsasungintzaMobilizazio kanpaina Osakidetzan lan-ordutegia ez luzatzeko eta aparteko ordainsariak ordaintzeko exijituz

Mobilizazio kanpaina Osakidetzan lan-ordutegia ez luzatzeko eta aparteko ordainsariak ordaintzeko exijituz

LAB sindikatuak mobilizazio kanpaina jarri du abian Osakidetzan lan-ordutegia ez luzatzeko eta aparteko ordainsariak ordaintzeko aldarrikatuz. “Ez jolastu nire lan-ordu eta soldatarekin. Osakidetza publiko eta gardena” lemapean egingo diren ekimen ezberdin lehena burutu zen atzo Santiago ospitalean.

Kanpainaren helburua EAJren Gobernuari zein Osakidetzako zuzendaritzari abenduko zein ekaineko ordainsaria ordain ditzatzen eta lan-ordu kopurua astean 37.5era ez igotzea exijitzea da.

LABen ustez, neurri biak oso larriak dira eta urte luzetako borroketan lortutako eskubideak zaplazteko batez desagerrarazi nahi dituzte aipatu neurriok. Ezartzen badira ondorioak larriak izango dira eta soilik kolpatuko dute gehiago gure ekonomia. Lan-jardunaren lupenak 3.000 behin behineko kontratu desagertzea eta lan-baldintzak are gehiago okertzea baino ez du ekarriko; gure soldata banatzen den 14 pagetako bat kentzea soldataren %8 kentzea da, eta honi gehitu behar orain 2 urte kendutako %5 eta 3 urtez soldatak izoztea. Azken finean, lan-baldintzetan atzerapausu ikaragarri honek arreta asistentziaren kalitate-galera eta euskal osasun sistema publikoa ahultzea dakar.

LABen iritziz, arazoa ez da juridikoa, politikoa baizik; hau da, ea benetan Madriletik inposatzen dizkiguten neurrien aurrean men egiten den edo intsumiso bihurtu. Horregatik EAJren gobernuari exijitzen diogu euskaldunon eskaerei kasu egiteko eta betetzeko, eta balizko “legalitatea bete-behar” horren aitzakiapean osasun publikoa pribatizatzeko eta ahultzeko bere betiko bideari uzteko behingoz.

Horretarako, kanpaina honen barruan zentroz zentroko mobilizazioak burutuko dira, erabiltzaileei informazio helaraziz, sinadurak jaso eta abenduaren 20an zentroetan tinkotasunez erantzuteko eta mobilizatzeko eguna antolatu. Dena lan-baldintza duinak eta gure osasun sistema publikoa defendatze aldera.

 

AZKEN ALBISTEAK | ĂšLTIMAS NOTICIAS

Deskarbonizazioa enplegua suntsitzeko aitzakia gisa erabiltzen ari den honetan, benetako trantsizio ekosozialaren alde egiten dugu

Greba mugagabean hainbat egun daramaten Cementos Rezolako langileen mobilizazioetan parte hartu du sindikatuko koordinatzaile orokor Garbiñe Aranburuk, eta azpimarratu du industriaren birmoldaketak langileen parte-hartzea izan behar duela oinarri. Bihar, osteguna, Cementos Rezolaren Arrigorriagako lantegira eramango dute protesta Añorgako langileek.

Etzegaraten hildako garraiolariaren heriotza eta errepideko lan istripuak salatu ditugu Iruñean

LAB, Hiru, LAB, CGT-LKN, Steilas, ESK, EHNE-Etxalde eta Hiru sindikatuok elkarretaratzea egin dugu Iruñeko San Ignazio kalean, Nafarroako Gobernuaren egoitzaren aurrean, aurreko astean Etzegarateko istripu larrian hildako garraiolaria gogoratzeko eta Nafarroako errepideetako lan ezbehar kopuru handia salatzeko, “Lan istripu gehiagorik ez; prekarietateak hil egiten du” lelopean.

EAEko hainbat herri eta hiritako udalbatzek Haurreskolak Partzuergoko plazen eskaintza handitzeko erregistratu ditugun mozioak onartu dituzte

LABek azkeneko urteetan hainbat eragilerekin eta familiekin egindako lanaren eta aurrera eramandako greba eta mobilizazioen ostean, 0-3 urte bitarteko haurrei hezkuntza zerbitzua eskaintzen dien Haurreskolak Partzuergo Publikoan ikasturte honetan doakotasuna ezartzea lortu dugu. Neurri honek hasieratik eragin zuzena izan du familien eskaera kopuruan.