Ainhoa Etxaide, LABeko Idazkari Nagusiak "Sindikalgintza abertzalearen erronkak" aztertuko ditu Martin Ugalde Kultur Parkeak eta Berria egunkariak antolatutako hitzaldian. Ekitaldia ekainaren 7an izango da Andoaingo Martin Ugalde Kultur Parkean arratsaldeko 19:00etan eta asistentzia konfirmatzea eskatzen da, 943 30 40 30 telefonoan edota mezu bat bidalita (klikatu hemen). Hitzaldia zuzenean ikusteko aukera ere izango da www.berria.info helbidean.
AZKEN ALBISTEAK | ÚLTIMAS NOTICIAS
Amurrio Ferrocarril y Equipos-en ez dugu kaleratzerik onartzen
Ekainaren 5ean, 57 urteko langile bat kaleratu zuten Amurrio Ferrocarril y Equipos-en. Enpresa Batzordetik kaleratzea publikoki salatu nahi dugu eta baita aurretik gertaturiko egoera ere, erabat hausten baitituzte batzordearen eta enpresaren arteko harremanean ulertzen diren protokoloak.
Nafarroako Garbiketa sektoreko hitzarmenaren aurreakordioa sinatu dugu, bizitzaren kostuaren gaineko soldata igoerak jasotzen dituena
LAB eta CCOO sindikatuok –ordezkaritzaren %60 baino gehiago osatzen baitugu– Nafarroako Garbiketako hitzarmena berritzeko aurreakordioa sinatu dugu sektoreko patronalekin. LABen hitzarmen hori sinatuko dugu, azken 11 urteetako dinamika atzerakoiari buelta ematea lortu delako: hitzarmen berriak soldaten igoeretarako KPIaren erreferentzia berreskuratzen du (gehi puntu bateko diferentziala), urteko lanaldian orduen jaitsiera barne hartzen du, eta lanaldiak luzatzeko irizpide argi eta objektibo bat ezartzen du.
Deskarbonizazioa enplegua suntsitzeko aitzakia gisa erabiltzen ari den honetan, benetako trantsizio ekosozialaren alde egiten dugu
Greba mugagabean hainbat egun daramaten Cementos Rezolako langileen mobilizazioetan parte hartu du sindikatuko koordinatzaile orokor Garbiñe Aranburuk, eta azpimarratu du industriaren birmoldaketak langileen parte-hartzea izan behar duela oinarri. Bihar, osteguna, Cementos Rezolaren Arrigorriagako lantegira eramango dute protesta Añorgako langileek.