2024-11-14
HomeZerbitzu PublikoakPostaLanuzteak egingo ditugu Gipuzkoako Posta zerbitzuko lantoki guztietan

Lanuzteak egingo ditugu Gipuzkoako Posta zerbitzuko lantoki guztietan

Gipuzkoako Postan ordezkaritza dugun sindikatu guztiok, LAB, CCOO, ESK, UGT eta ELAK, bi orduko geldialdi partzialak egitera deitu dugu, astelehenetik ostiralera, 2017ko azaroaren 16tik 2017ko urtarrilaren 31 arte. Geldialdi hauek Gipuzkoako Postan lan egiten duten langile guztiei eragingo die, bai laboralei eta bai funtzionariei.

Geldialdi hauekin hainbat urtetan lanpostuen murrizketan ematen ari diren gehiegikeriekin bukatu nahi dugu. Izan ere, Zuzendaritza, SEPIren (Industri Partaidetzaren Elkarte Estatala) menpeko dena, murrizketa handiak ari da ezartzen enpresa publiko honetan. Lanpostu hutsek, baimenek, bajek, e.a., sortzen dituzten hutsuneak gehienetan ez dira betetzen, eta horrek eragina du bai langileen plantilan jasaten ditugun lan-kargak gehitzearekin, eta nola ez, urtetik urtera hondatzen ari den Posta zerbitzu publikoaren kalitatearekin.

Ikusten dugunez datozen hilabeteetan egoera hau okertu liteke; izan ere, e-Commercen kanpaina dela eta, paketeria asko ugarituko dela jakinarazi baitute. Gainera, gabonetako kanpaina ere gainean dugu eta urtarrilean egunak hartzeko baimenak ere pilatzen ari dira. Hori guztia kontuan hartuta, Postako langileak geldialdi hauek egiten hasi dira lanpostuak betetzeko hutsuneak dauden lantoki guztietan: Kontraturik ez dagoen tokian, geldialdiak egongo dira.

 

 

 

AZKEN ALBISTEAK | ÚLTIMAS NOTICIAS

Hitzarmen duina aldarrikatu dugu Arabako ostalaritzarako

Urtebete inguru igaro da Arabako ostalaritzako hitzarmenaren negoziazioa blokeatu zela "azken proposamen" gisa definitutako patronalaren azken proposamenarekin. Hau ez zen nahikoa, sektoreko langileen lan-baldintzak nabarmen okertzen baitzituen.

11 garraiolari hil dira 2024an, 2023ko heriotza kopurua gaindituz

Atzo, 56 urteko J.R.M.M. garraiolari lesakarra hil zen lanean Irunen, kamioia kargatzen ari zela. Transportes Etxetrans 2000 enpresako langilea zen. 2024. urtean 11 garraiolari hil dira lanean dagoeneko, horietariko asko, azken hau bezala, bihotzekoak jota. Atzokoarekin, gutxienez 54 laneko heriotza izan ditugu urte hasieratik Euskal Herrian.

Elkarretaratze batekin amaitu dugu EAEko anbulantzien publifikazioaren aldeko kanpaldia

Kontzentrazio batekin amaitu da EAEko anbulantzia zerbitzuaren publifikazioaren alde atzo hasitako 24 ordutako kanpaldia, Gasteizko Andra Mari Zuriaren plazan egin dena. Atzo iluntzean, Gasteizko Udaltzaingoak kanpaldia bertan behera uztera behartu arren, gaur goizean aurreikusitako tailerra egin ahal izan dute.