Atzo Hauteskunde sindikalak burutu ziren Nafarroako bigarren enpresa industrial handienean (817 langile), Ororbian kokatuta dagoen KYBSE (lehengo AP Amortiguadores). 300 bozkekin LAB sindikatu bozkatuena izan zen, jokoan ziren 21 ordezkaritik 10 eskuratuz.
Garaipen ikusgarri hau posible izan da KYBSEko atal sindikalaren lanari esker. Kontutan hartu beharra dago, beste industrietan ez bezala, KYBSEn ez dela inongo kaleratzerik izan urte hauetan zehar. Areago eta gehiago, une hauetan enplegua sortzen ari da eta, gainera, kontratazioak lan hitzarmenaren bidez arautuak daude, aukera berdintasun irizpidearen arabera. KYBSEn ez da inor diskriminatzen bere afiliazio sindikalarengatik, enplegu poltsa zozketa bidez osatzen baita lan eskaria egiten duten guztien artean; ezta bere sexuarengatik ere, izan ere kontratazio berrien %50 emakumezkoa eta beste %50 gizonezkoa baita, beste enpresa handietan ez bezala. Honela bada, klase sindikalgintza praktikan jarri lor daitekeenaren adibide ederra dugu KYBSErena. KYBSEko langileek emandako babesarekin, lan baldintzak hobetu, lana nahiz ondasunaren banaketan aurrera egin eta benetako kontrabotere sindikala sortzeko lan egingo dugu.
2010 | Votos / Bozkak | Representantes / Ordezkariak |
LAB | 210 | 6 |
UGT | 152 | 5 |
CCOO | 83 | 3 |
Solidari | 34 | 1 |
Cuadros | 47 | 2 |
2014 | Votos / Bozkak | Representantes / Ordezkariak |
LAB | 300 | 10 |
UGT | 167 | 5 |
CCOO | 94 | 3 |
Solidari | 49 | 2 |
Cuadros | 29 | 1 |