2025-03-18
HomeIrakaskuntzaHaur EskolakLABek Haurreskolak publikoak eta doakoak izateko urratsak eman behar direla aldarrikatzen du

LABek Haurreskolak publikoak eta doakoak izateko urratsak eman behar direla aldarrikatzen du

Maiatzaren 14an, EH Bildu talde parlamentarioak egindako proposamena erantzuteko agerraldia egin zuen Cristina Uriartek. Sailburuak 2015-2016 ikasturteari begira familiek ordaintzen duten kuota sistema aztertuko dutela adierazi zuen, familien diru sarrerak kontuan hartuko direlarik. Hitz hauen aurrean eta egungo beka sistemaren porrota agerian geratu denean, LABek gai honekin serio eta zintzotasunez joka dezala eskatzen dio Uriarteari.

Cristina Uriarte Sailburuaren agerraldiaren aurrean LAB sindikatuaren gogoetak:

1. Gaur egungo beka sistemaren porrota agerian geratu da, eta horrela onartu behar izan dute publikoki, langileok zein familiek aspalditik salatu dugun errealitate bat.

2. Hezkuntza eskubide unibertsala den heinean, eta haurreskolak benetan publikoak izateko, proiektu honek behar duen finantziazioa eta inbertsioa handitzea ezinbestekoa da.

3. Gaur egun, langileok egindako lanari esker, besteak beste, Haurreskolak Partzuergoak, 10 urte hauetan egindako ibilbidean, oso urrats garrantzitsuak eman ditu proiektu asistentziala eta batez ere hezigarria izateko. Baina urratsak ematen jarraitzeko eta gaur egungo krisi egoerak matrikulazioan eragin duen jaitsierari aurre egiteko ondo aztertutako neurriak martxan jarri behar dira.

4. LAB sindikatuak, STEE-EILAS sindikatuarekin batera martxan jarri dugun kanpainan eta maiatzaren 5ean emandako agerraldian argi utzi genuen, batetik, 0-2 zikloaren garrantzia eta honek behar duen aitortzaren beharra eta bestetik, kuota sistema berraztertzeko abian jarriko genuen alderdi politikoekin dinamika, finantziazioaz, aitortzaz eta hedapenaren inguruan hitz egiteko.

5. Kolektibo honek beti erakutsi duen indarrarekin, aldarrikapen sozialekin eta politikoki aurkeztu diren beste proposamen batzuk ikusita Hezkuntza Saila fitxa mugitzera eraman dugu eta hor kokatzen ditugu Uriarteren adierazpenak.

6. Hemendik aurrera doakotasunaren bidean urratsak emateko ate bat zabaltzen zaigu eta atzo Uriartek bota zituen hitzak errealitate bihurtzeko jasoko ditugu. Horretarako LABek gai honekin serioz eta zintzotasunez jokatzeko eskatu nahi dio Uriarteari, aurrekontuetan Haurreskolak Partzuergoaren proiektua behar den bezala finantzatzeko eta hartu behar diren neurriak diruz hornitzeko.

7. Amaitzeko, azpimarratu nahi dugu sindikatu honek lanean segituko duela orain arte egin dugun moduan, zerbitzu publikoa den heinean, hezkuntza eskubide unibertsalaren defentsan.
 

 

AZKEN ALBISTEAK | ÚLTIMAS NOTICIAS

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.