LAB sindikatuaren ustetan, azkenengo urteetan inposizioa, murrizketak eta enplegu publikoa suntsitu besterik egin ez duen udal batekin horrelako akordio partziala sinatzea zentzugabekeria handia da.
• lehenik, akordio partziala izateagatik, akordio partzial bat non une honetan zerbitzu publikoen defentsan aritu nahi duen sindikalgintzak, soldata igoerarekin batera, negoziazio kolektiboan lehenetsi beharko lituzkeen gaiak jorratu ere ez dira egiten, alegia, udalean suntsitutako eta sortu beharreko enplegua, eta zerbitzu publikoen garapen eta eredu aldaketa.
• Eta bigarrenik, soldataren atalean ere guztiz eznahikoa delako, eta horrelako akordioa zeinekin eta krisi honen sorreran zerikusirik handiena izan duten instituzio nagusietako batekin izanik gainera.
Akordio salarial honek 2012 eta 2013an zehar pilatutako zorra baino ez du aintzat hartzen, eta 2014rako KPIari lotu gabeko %0,6ko produktibitate osagarri ez kontsolidagarria proposatzen du.
LAB sindikatuaren ustetan, azkenengo urteetan inposizioa, murrizketak eta enplegu publikoa suntsitu besterik egin ez duen udal batekin horrelako akordio partziala sinatzea zentzugabekeria handia da.
Ikusitakoak ikusita, nonbait ELAk akordioak sinatu ala ez edukiengatik baino negoziazioan aurrean duenaren arabera erabakitzen du. Bestela ezin baita ulertu Bilboko Udalarekin honelako akordioa sinatu izana, eta aldiz, Donostiko udalean non lanpostuak sortzeaz gain, azken urteetan pilatutako zorra aitortu den, 2012ko paga ordaindu eta zerbitzu publikoak ez pribatizatzeko konpromisoa hartu eta betetzen ari den, ELAk akordioa sinatu ez eta mobilizazioak deitu izana.
ELAri behin eta berriro entzuten diogu alderdi politiko guztiek politika berdinak egiten dituztela. Oso ondo daki, langile publikoen eskubideei dagokionean behintzat, hori ez dela egia. Bilboko udalean ELAk sinaturiko akordioa eta Euskal Enplegu Publikoaren Legearen aurreproiektuaren negoziazioan hartu duten jarrera, argi eta garbi, PNV legitimatzeko modu bat da, beste leku batzuetan akordio hobeak baztertzen dituen bitartean.