2025-03-18
HomeIndustriaArte GrafikoakLABek erreformen aurrean bermatu eta blindatuko duen Gipuzkoako Grafikagintzako hitzarmena defendatuko du

LABek erreformen aurrean bermatu eta blindatuko duen Gipuzkoako Grafikagintzako hitzarmena defendatuko du

Gipuzkoako Grafikagintzako Hitzarmenean 2013ko urte amaieran emandako negoziazio gaien iraupenaren luzapena dela medio, hurrengo 6 hilabeterako zabaltzen den negoziazioko lehenengo bilera burutu zen atzo, otsailak 6. LABek erreformen aurrean bermatu eta blindatuko duen Gipuzkoako Grafikagintzako hitzarmena defendatuko duela jakinarazi du.

LABek negoziazio gaiak 2014ko ekainaren 30era arte indarrean mantentzea baikor baloratzen du, bitartean, negoziazio mahaia zabalik jarraitzen baitu LAB sindikatuak hasieratik negoziazioari ipinitako helburuak borrokatzeko. Besteak beste, soldata igoera, hitzarmena blindatzea, etab…

Gipuzkoan gaur egun enpresa eremuan ematen ari den lan baldintzen hondatze prozesuaren aurrean eta Espaina mailan eragingo duen Grafikagintzako Hitzarmena negoziatzen ari direla kontutan hartuz, LABek gero eta nabarmenagoa ikusten du Grafikagintzako sektoreko langileen eskubideak erreformen aurrean bermatu eta blindatuko duen herrialdeko hitzarmenaren beharra.
 

 

 

AZKEN ALBISTEAK | ÚLTIMAS NOTICIAS

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.

LABek bat egin du arrazakeriaren aurka kalera ateratzeko deiekin

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.