LABek Carrefour erakusten ari den sindikatuen aurkako jarrera publiko egin eta salatu nahi du. Enpresak Bilboko Zabalburuko bere dendako LABeko delegatu bat zigortu du, berau kaleratu asmoz. Langileen ordezkari honek 25 urte baino gehiago daramatza enpresan lanean.
Hori dela eta LABek ez du eraso hau erantzunik gabe utziko. Eta ez du utziko, Carrefour zerbaitetatik bizi bada bere bezeroen erosketetatik delako. Bezero horiek herrialde honetako langileak dira, hortaz LABek ulertzen du mota honetako jarrerak ez direla bere delegatuaren kontrako erasoak soilik, Carrefourreko langile guztien kontrakoak baizik, edozein momentutan zori berdina izan dezaketenak. Gainera, LAB sindikatuari berari egindako erasoa da, eta Carrefourreko bezero guztiei, herri honetako langileak baitira.
LABek Carrefour egiten ari den laneko jazarpena eta jarrera antisindikalarekin amaitzea exijitzen du eta horretarako, enpresaren jarrera salatzeko kontzentrazioak hasi ditu aste honetan bertan. Gaur egin du lehenengoa Bilboko Zabalburuko saltokiaren aurrean 12:00etatik 13:00etara. Bestalde, hauek dira aste honetarako deialdiak:
– Abuztuak 18, asteartea. 12:00etatik 13:00etara kontzentrazioa Zabalburuko Carrefour Market dendaren aurrean (Nikolas Alkorta z/g) eta 13:00etatik 14:00etara Atxuriko dendan (Santos Juanes plaza, z/g).
– Abuztuak 19, asteazkena. 12:00etatik 13:00etara Sestaoko Carrefourren (Ibarzaharra poligonoa).
– Abuztuak 20, osteguna. 12:00etatik 13:00etara kontzentrazioa Zabalburuko Carrefour Market dendaren aurrean (Nikolas Alkorta z/g) eta 13:00etatik 14:00etara Atxuriko dendan (Santos Juanes plaza, z/g).
– Abuztuak 21, ostirala. 19:30etik 20:30era kontzentrazioa Sestaoko Carrefourren.
JAZARPEN SINDIKALA CARREFOURren
Carrefour enpresak jazarpen sindikal etengabea erabiltzen du langileen eta euren ordezkarien kontra. Oraingoan harago joan da eta espedientea zabaldu dio Koldo Fernandezi, LABeko delegatua Zabalburuko Carrefour Market dendan.
Eta ziurtasunez esan eta erakus dezakegu. Langile honek, 25 urtez baino gehiago daramatza delegatu enpresa honetan eta bere lankideek bezala, hainbat eraso pairatu du, laboralak, moralak zein pertsonalak, bere lan sindikala egiteagatik.
Gutxi gora-behera orain dela 20 urte gutxi hasi zen bere amesgaiztoa. Enplegu Erregulazio Espediente baten baitan bere emaztea kaleratua izan zen, nahiz eta hasieran kaleratzeko zerrendan ez egon. Hau zen azalpena, Ruiz Jaunak, momentu horretan dendako gerente zenak, onartu egin zuen enpresak behartu egin zuela bere emaztea zerrendan sartzera Koldoren lan sindikalagatik.
Orain dela 10 edo 12 urte eraso larri berria izan zen, orain Koldoren aurka zuzenean. Langile batzuk Santiago Rodriguez dendako kudeatzailea harrapatu zuten beste bi pertsonarekin tratu bat ixten Koldo jipoitzeko, baina dendatik urrun. Koldo LABeko arduradun batekin harremanetan jarri zen honen gainean hitz egiteko, eta dendan bertan, gertakari guztiak onartzen zituen Santiago Rodriguezek 3 delegatu eta LABeko arduradunaren aurrean.
2011. urtean kudeatzailea aldatu zen, baina jarrera ez. Orri baten bidez LABeko delegatuek salatu zuten arratoiak zeudela biltokian. Hauek produktuak horzkatzen zituzten eta ondoren salmentan jartzen ziren, kudeatzailearen aginduz. Honek arazoa onartu bai baina bere jarrerarekin jarraitu zuen galera handiak sahiesteko, nahiz eta osasunerako kaltegarria izan. Bezero zein langileen kexak egon arren Carrefourrek ez zuen neurririk hartzen, beraz LABeko delegatuek zabaldu zuten salaketa bat egingo zutela Osasun Sailean. Honen aurrean Alberto Olalde Azkarreta kudeatzaileak –gaur egun eskualdeko arduraduna- Koldoren kontra jo zuen berriro kaleratzeko mehatxuekin.
Ez dago zalantzarik, edozein gertakaria baliogarria da Carrefourrentzat LABen kontrako jazarpen sindikalarekin jarraitzeko.
Azken urte hauetan egoerak okerrera jo du. Alfredo Del Palacio izan da azken kudeatzailea, eta zorrotzena. LABeko delegatuekin ez zuen zuzenean hitzik egiten, nahiz eta euren aurreran egon. Mota guztietako mesprezuak egiten zizkien; adibidez, sinatu ondoren paperak eta boligrafoa lurrera bota, langileen batzarretara ez zien deitzen, enpresako mugikorraren bidez mezuak bidaltzen zizkien mehatxuka, eta nola ez, mobilizazioak egiten ziren bitartean kaleratzeko gogoa agerian uzten zuen. Kalean jarritako kartelak kentzen zituen, “os voy a dar dos hostias si los ponéis de nuevo” esaten zien, eta langile batzuen aurrean honakoa onartu zuen, langileen babesik ez balute LABeko delegatuak kalean egongo zirela, “kantzer bat” izateagatik.
Koldo une honetan etxean dago expediente bat zabalik, enpresak bere kaleratzea lortu nahian, LABen lan sindikala suntsitu nahian.
Carrefour gezurretan ari da, baztertu, mehatxatu eta jazarri egiten du. Eta jarrera honekin jarraitu nahi du, zigorgabetasun guztiarekin, baina ez dugu onartuko.