2025-03-18
HomeEkintza SindikalaLABek Arabako porlanaren hitzarmena sinatu du, eraikuntzako hitzarmenarekin batuko dena

LABek Arabako porlanaren hitzarmena sinatu du, eraikuntzako hitzarmenarekin batuko dena

2026an soldata taulak berdinduko dira, eta indarraldi amaieran 60 langile inguru eraikuntzaren sektorera pasako dira.

Akordio honek Araban gertatzen zen anomalia bat behingoz zuzendu du, eta langile hauek bigarren mailakoak izateari utziko diote. Izan ere, 60 pertsona ingururi soilik eragiten dien hitzarmen hau beti egon da eraikuntzaren menpe, baina orokorrean lan baldintza kaskarragoekin. Indarraldia 2024tik 2026 bitartekoa da.

LABetik garrantzi handia ematen diogu akordioari, sektorearen lehen aldarrikapena gauzatzen delako. Urteak dira langile hauek eraikuntzako hitzarmena aplikatzea eskatzen zutela, gertatzen delako enpresa batean langile batzuei eraikuntzakoa aplikatzea eta besteei porlanarena, elkarrekin lan egiten badute ere. Beharrezkoa izan da mahai txiki honetan zegoen CCOO-UGT gehiengoa hautsi eta LAB sinadurarako gakoa izatea. Berriro ere, LAB tartean badago, langileen baldintzak nabarmen hobetzen dira. Hasiera hasieratik mantendutako posizioak eta egindako presioa ezinbestekoak izan dira akordioa aurrera ateratzeko.

Baldintzei dagokionean, adostu diren igoerekin, soldatetako ekiparazioa 2026rako lortuko da, Honetaz aparte, hitzarmenak 4 lan orduko jaitsiera jasotzen du eraikuntzarekin parekatu arte (1.712 ordu), igoerak lehen bi urtetarako KPItik gorakoak dira eta indarraldi bitartean KPI bermatuta eros ahalmena bermatuta geratuko da; baimenetan eta dietetan ere hobekuntzak jasotzen dira, besteak beste. Gainera, eta LAB tarteko egonda, inaplikazio klausula jasotzen da, eta beraz enpresek ezingo diote adostutakoa aplikatzeari utzi.

Esan bezala, balio gehien ematen dioguna da hau izango dela porlanaren azken hitzarmena, eta iraunaldiaren amaieran lan-baldintzak eraikuntzako sektoreko langileekin parekatuko direla. LABetik langileak zoriondu nahi ditugu.

AZKEN ALBISTEAK | ÚLTIMAS NOTICIAS

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.

LAB, STEILAS, ELA eta CCOO sindikatuek EAEko hezkuntza publikoko irakasleen eta sukalde eta garbiketako kolektiboak barnebiltzen dituen grebaren erregistroa egin dute

LAB, STEILAS, ELA eta CCOO sindikatuak Donostiako Lurralde Ordezkaritzan elkartu dira EAEko Hezkuntza publikoko irakasleen eta sukalde eta garbiketako kolektiboak barnebiltzen dituen greba dinamikaren erregistroa egin eta urtarrilean hasitako greba eta mobilizazio zikloari jarraipena emateko.

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin