LAB sindikatuak krisialdiaren hasieratik botere ekonomiko, finantziero eta politikoek zabaltzen ari diren mezu bakarraren kontra borrokatzeko dinamika jarri berri du martxan. Alternatiba soberania politiko eta ekonomikoan oinarrituz, Euskal Herriaren eredu ekonomiko eta soziala bertan erabakitzeko beharra aldarrikatu du sindikatuak: "Burujabetza ekonomiko eta politikoa Euskal Herriarentzat".
HomeEkintza SindikalaKrisi ekonomikoaren harira sortutako egoeraren arduradunak azaleratzeko dinamika aurkeztu du LABek
Krisi ekonomikoaren harira sortutako egoeraren arduradunak azaleratzeko dinamika aurkeztu du LABek
0
AZKEN ALBISTEAK | ÚLTIMAS NOTICIAS
Irunen hildako garraiolariaren heriotza salatu dugu Donostian, Gizarte Segurantzaren egoitzaren aurrean
Azaroaren 11n, 56 urteko J.R.M.M. garraiolari lesakarra hil zen lanean Irunen, kamioia kargatzen ari zela. Transportes Etxetrans 2000 enpresako langilea zen. 2024. urtean 11 garraiolari hil dira lanean dagoeneko, horietariko asko, azken hau bezala, bihotzekoak jota. Gaur, LAB, ESK, STEILAS, EHNE-etxalde eta HIRU sindikatuok mobilizazioa egin dugu Donostian, Gizarte Segurantzaren egoitzaren aurrean, laneko azken heriotza hau salatzeko.
Salatzen dugu Metro Bilbaoren zuzendaritza-egituran postuak gehitu direla eta azken hautatze-prozesua kritikatzen dugu
Gero eta gehiago dira Metro Bilbaoren zuzendaritza gorena osatu eta aholkua ematen dioten pertsonak. Gainera, postu horiek erakunde publikoetatik datorren jendez betetzen ari dira. Horrela, Metro Bilbaoko Gerentzia oso gertuko eta ideologia bereko pertsonez inguratzen ari da eta balio-eskala bikoitza eraikitzen ari dira zuzendaritza-ardura horien eta lehen lerroko langileentzat sortzen diren postuen artean.
Berako zahar etxeko patronatuak langileei aldebakarrez inposatutako murrizketak salatu ditugu
LAB sindikatuak irmo salatu nahi du Berako zahar etxearen patronatuak zenbait murrizketa ezarri dizkiela langileei, hala nola soldata igoerak aplikatzeari utzi edo plus eta osagarri batzuk kendu edo murriztu. LABek elkarrizketarako eta negoziaziorako jarrera erakutsi izan dio beti patronatuari baina honek ez du murrizketa guztietan gibelera egin nahi izan eta, hartara, langileak mobilizatzen hasi dira. Lehenik eta behin sinadura bilketa abiatuko dute herritarren babesa jasotzeko.