Urtebete pasatu da Mozal Legea indarrean sartu zenetik, eta Herritarren Kriminalizazioaren aurkako Plataformak mobilizazioa egin du gaur goizean Bilbon, Espainiako Gobernuaren ordezkaritzaren aurrean, Plaza Eliptikoan. Deitzaileek adierazi dute “batetik, eskubide sozialak lapurtzen dizkigute, bestetik eskubide horien alde borrokatzeko eskubidea kentzen digute”.
Gaineratu dute “beldurra, zigorra, errepresioa gailentzea eta kaleak hustea” dutela xede, “baina guk elkartasunean oinarritutako gizarte baten hazia daramagu bihotzetan, eta egunerakotasunean uzta jasotzen ari gara”.
“Kalea herritarron lekua da, bizilagunen arteko antolakuntza eta elkarlaguntzarako joerak biderkatzeko unea da. Ez bagara gu nortzuk? Ez bada orain, noiz?”
Donostia, Gasteizen eta Iruñean arratsaldean egingo dituzte mobilizazioak.
