Ardogintza sektoreko hitzarmenaren alde egingo ditugun hiru mobilizazio egunetatik lehena egin dugu gaur, LAB, CCOO eta UGT sindikatuok deituta. Horrela, Bastidako bus geltokitik abiatu den kotxe-karabana bat egin dugu, Garcia Carrion, Baigorri, Izadi eta Luis CaƱas upategietatik pasatuz. Era berean, azaroaren 10ean beste martxa bat egingo dugu Laguardiako Huerta Viejatik eta abenduaren 1ean, Cvne aurrean mobilizatuko gara.
2022ko otsailean, Arabako Ardoaren Industria eta Merkataritza Sektorearen hitzarmena negoziatzen hasi zen. Sektore honek mila bat pertsonari eragiten die Araban, eta eragin handiena Arabako Errioxan du. Horrela, bada, hitzarmen horrek inguruko familia askoren lan-baldintzak arautzen ditu.
Bertan behera utzitako bileren ondoren, LAB, CCOO eta UGT sindikatuok erabaki genuen 2021ean egin zen bezalako negoziazioĀ eta mobilizazio-dinamikari jarraipena ematea. Dinamika horrek gaur egun indarrean dagoen hitzarmena lortu zuen. Formula horrek arrakasta izan duela erakutsi du, sektorean lan egiten duten pertsonek eskatzen dutena izateaz gain. Ezin bestela izan, intersinikal horretan parte hartzeko gonbidapena egin zitzaion ELA sindikatuari, hasiera-hasieratik, ekainean, baina sindikatu horrek uko egin zion proposamenari. Ez zen eseri ere egin edukiei eta mobilizazioei buruzko balizko akordioez hitz egiteko. Hala ere, berriro ere dei zintzoa egiten diogu ELAri bat egin dezan.
Hala eta guztiz ere, negoziazioa ez da eman beharko lituzkeen fruituak ematen ari, modu artifizialean atzeratuz. SEAk eta ordezkatzen dituen upeltegiek badakite hitzarmen berriaren edukiak non dauden:
ā¢ Sektorean lan egiten duten pertsonen erosteko ahalmena bermatuko duten soldata-igoerak.
ā¢ Lanaldia jaistea. Urte asko daramatzagu ordu bakar bat ere jaitsi gabe. Ordua da.
ā¢ Bajen osagarriak hobetzea.
ā¢ Aldizkako kontratu finkoak dituzten pertsonen baldintzak arautzea.
ā¢ Berdintasun-planak, lan-osasuna, kontziliazioa, etab.
SEAk aurkeztutako lehenengo proposamenak igoera finkoen eta ez-finkoen formula bat planteatzen zuen, eta erabat baztertua izan zen sindikatuetatik. Upategiek ematen ari diren KPIaren zifrak beren gain hartu ahal izateko, 3 sindikatuek hitzarmena 2 urtetik 3 urtera luzatzea onartu zuten. Baina, horri erantzunez, patronalak formula bat proposatu du, lehenengo proposamenean aurkeztutako igoera berberak banatzeko, KPIa topatuta.
Horregatik, LABek, CCOOk eta UGTk dei egiten diegu sektorean lan egiten duten pertsona guztiei datozen asteetan egingo diren mobilizazioekin bat egin dezaten, bertan lan egiten duten pertsonek merezi eta behar duten hitzarmena lortzeko. Inguruko biztanle guztiei zabaltzen diegu: auzotarrei, ostalariei, beste sektore batzuetako langileei.
Azkenik, jakinarazten dizugu urriaren 28ko bilerak negoziazioa berriro bideratzen ez badu, adostutako mobilizazioen intentsitatea handitzeko aukera aztertuko dugula intersindikaletik. Pilota upategien eta SEA patronalaren teilatuan dago.