Kutxabank kasuko akusazioa osatzen duten eragileek (LAB, ESK, Steilas, EHNE, Hiru, EKA eta Euskal Herriko Pentsiodunen Plataformak) prentsaurrekoa eskaini dute Mario Fernandez, Mikel Cabieces eta Rafael Alcortaren kontrako epaiaren balorazioa egiteko. Bertan adierazi dute sententziak herri-akusazioak orain arte egindako salaketei forma juridikoa eman diela.
Zentzu horretan, argi eta garbi geratzen da akusatuak bidegabeko jabetzearen delituaren errudun direla, Kutxabankeko funtsak erabili dituzte entitatearentzat ez zuzenean ez zeharka lanik egin ez zuen pertsona bati milioitako soldatak ordaintzeko. Mikel Cabiecesi ordainketak egin zitzaizkion, bere ardura utzi zuen politikari bat izate hutsagatik.
Bestalde, berriro ere egiaztatzen da delituak bultzada politikoa izan zuela. Mario Fernandezen deklarazioen arabera, esangura politiko handiko pertsonek Cabiecesi soldata ordaintzeko bideak aurkitzeko beharra adierazi zioten. Politiko horietako inor, ez eta egileak, ez zen kezkatu Cabiecesek hilabetean Kutxabanketik jasotzen zituen 6.000 euroak zegokion lan prestaziokoak ziren baieztatzeaz. Momentuan argitaratu zen pertsonaia politiko esanguratsu horiek PPko Basagoiti eta Patxi Lopezen gobernuko kontseilari bat zirela, baina gure iritziz, Sabin Etxeak eta Mario Fernandez Kutxabankeko lehendakaritzan jarri zutenek hau guztia bazekiten eta hain zuzen ere, erabaki hau bultzatu zuten.
Gainera salatzen dugu bidegabeko jabetze delitua gertatu zen egoera Kutxak-Kutxabanken pribatizazioaren testuingurua zela eta tesguinguru honetan. EAJ, PSE eta PPren babesak pribatizazioari konpaktatzeko asmoz, borondate politikoak horrelako jarduerekin indartzen ziren. Pribatizazioa oinarri bat izan da gauza hauek gertatu ahal izateko.
Era berean, oso modu positiboan baloratzen dugu herri-akusazio honek egindako lana, modu erabakigarrian lagundu duelako txostenak eta frogak eskuratzen, herri-akusazio honek eskatutako lekukotzek abalatuak. Ziur gaude epaiketa honen emaitza ez zela berdina izango herri akusazio hau gabe. Hemen aitortza orokorragoa egin nahi dugu herri-akusazio eta akusazio partikularren presentzia indartzeko egungoa bezalako kasuak argitzeko tresna moduan.
Azkenik salatu nahi dugu, Mario Fernandez eta berarekin erabakiak hartu dituztenen ohorearen inguruan, zalantzan geratzen dela ez soilik epaiketa honetan gertatu denagatik, Kutxabanken barruan egin duen ibildeagatik ere.
Bere kudeaketa, finantza entitatearen buru bezala desastre bat izan da eta egoerarik okerrenean utzi ditu Euskal Kutxak-Kutxabank egoera ekonomikoa, prestigio soziala eta herritarrekiko zerbitzuari dagokionez.
Mario Fernándezke BBKren agintean, eta ondoren Kutxabankekoan, hartu zuen lehen erabakietakoa izan zen Caja Sur erostea. Honek itzelezko zuloa eragin du. Kutxabankeko funtsetatik 3.000 milioi euro bota dira zakarretara, BBKk Kutxabankeko akzio gehienak izateko helburu bakarrarekin.
Kutxabankek 2.000 enplegu suntsitu ditu bere agintepean eta ona da bere kontuen egoera baliabide gutxien dutenei itzelezko komisioak kobratzen dizkielako. Modu bortitzean murriztu du bere obra soziala eta honekin lotura zuten hirugarren sektoreko ehundaka lanpostu suntsitu ditu. Eurek aukeratutako 15 pertsonaren eskuetan utzi dituzte bankuaren akzioen salmentari buruzko eta Kutxabankeko aktiboen kudeaketa esku pribatu eta inbertsio-funtsen esku uztearen erabakiak. Eskubideak, partizipatuak eta jabego higiezinak saldu dituzte kutxa egin eta estres testak gainditzeko.
Mario Fernandezek egin duena EAJ, PP eta PSEren erabaki politikoen egile moduan, Euskal Kutxak-Kutxabanken euren aurrezkiak jarri dituzten herritarrei eta finantzazio beharra duen enpresa txiki eta ertainari egindako iruzurrik handiena da.
Guzti horrengatik poztu egiten gara bidegabeko jabetza delitua aitortu duelako epaiak. Jarraitzen dugu exijitzen bultzatzaile politikoek aurpegia eman dezatela eta behingoz estrategia negargarri honi amaiera ematea. Instituzio finantziero publikoak ezabatu dizkigute, ezinbestekoak direnak gure ehun ekonomiko, sozial eta enpresarialerako. Helburu horiek lortu artean lanean jarraituko dugu.