2025-03-21
HomeEkintza SindikalaGreba mugagabeari ekin diote EAEko osasun garraioko langileek

Greba mugagabeari ekin diote EAEko osasun garraioko langileek

EAEko osasun garraioko langileek greba mugagabeari ekin diote gaur, LAB, ELA, LSB-USO, UGT, CCOO eta ESK sindikatuek deituta. Osakidetzako langileekiko homologazioa eta eros ahalmenaren galera berreskuratzea dira euren aldarrikapenak. Izan ere, eros ahalmenaren %17a galdu dute hitzarmena negoziatzen ari diren bi urteetan.

Zerbitzu honetako langile azpikontratatuek manifestazioa egingo dute Bilbon, eta salatu dute hitzarmenaren mahai negoziatzailea blokeatuta dagoela, enpresek borondate txikia dutela eta eta Osasun Saila ez dela ezer egiten ari sektoreko langileen lan-baldintzak hobetzeko.

Urtebete pasatu da negoziazioak hasi zirenetik, eta enpresek ez diete erantzunik eman sindikatuon aldarrikapenei eta ez da edukirik egon negoziazio mahaietan.

Gaur-gaurkoz,  enpresek kontsolidagarria izango ez den paga eskaintzen dute, %5a suposatuko duena 2022 eta 2023 urteetarako, urteko %2,5ko soldata igoera 5 urtetan zehar eta urteroko 8 ordutako lanaldi murrizketa indarraldirako proposatzen dituzten 5 urteetan. Ez dute ez lizentziez, ez kontziliazioaz, ez karrera profesionalaz hitz egiten, beste kontu batzuen artean, eta hau oso urruti dago sindikatuok aldarrikatzen dugunetik.

Gogoratu behar dugu osasun garraioaren sektorea funtsezko zerbitzua izan zela pandemia garaian eta hortaz, langile propioekiko ekiparazioa eskatzen diegu enpresa zein Osasun Sailari.

AZKEN ALBISTEAK | ÚLTIMAS NOTICIAS

LABek Sunsundeguin ekintzara pasatzeko deia egiten du

Une honetan 300 lanpostu baino gehiago daude jokoan Altsasun; etorkizunerako estrategikoa dirudien sektore batean, merkatua duen produktu batekin. Sunsundegui azaroaren 5ean borondatezko hartzekodunen konkurtsoan sartu zenetik 4 hilabete betetzera doazenean, legezko epeak erretzen joan dira. Oraindik ez da zehaztu balizko inbertsore baten aukerak aurrera egingo duen ala ez.

LABek Hezkuntza Saileko sukalde eta garbiketako langileen hitzarmena sinatu du 16 urteren ondoren

Azken urteetan hamaika mobilizazio, greba, salaketa egin ditugu Hezkuntza Saileko kolektibo feminizatuenaren eta lan baldintza prekarioenak dituenaren lan baldintzak errespetatu eta hobetu daitezen. Pribatizazio prozesu bortitzena jasan duen sektorea da, zerbitzuetako lan batzuk azpikontratatuta baititu sailak.

Premiaz, Palestinaren alde kalera

LABek bat egiten du Gernika-Palestinak deituta bihar 17:30ean Donostian egingo den manifestazioarekin.