2024-11-22
HomeZerbitzu PublikoakZerbitzu SoziokomunitarioaGipuzkoako Foru Aldundia da BIDEAN zentroko egoeraren erantzulea

Gipuzkoako Foru Aldundia da BIDEAN zentroko egoeraren erantzulea

Zentru horretako langileak jarri dira jomugan eta gogoratu nahiko genuke zerbitzua Gipuzkoako Foru Aldundiarena dela, eta berak Zaragozako enpresa bati eman ziola kudeaketa esleipen baten bitartez, FEPAS enpresari hain zuzen ere.

Langileek urteak daramatzate zerbitzuaren gabeziak salatzen, eta bereziki azken hilabeteotan (8 dira langile finkoak, eta egun horietatik 6 bajan daude). Urteak daramatzate zerbitzu hau eskeintzen, 10 urtetik gora, eta BIDEANek irekita jarraitzen badu, beraien lan eskergarengatik da, askotan beraien osasuna jokoan jarriz. Besteak beste, zentrua zaharkitua geratu da, baldintzak ez dira egokienak emakumeei behar bezalako zerbitzua eskaintzeko, langile ratioa finkatzen duen dekreturik ez dago (gauetan eta asteburuetan langile bakarra izaten da zentroan), baina langileek lana profesionaltasunez betetzen dute, zerbitzu hobeago bat lortzearren borrokatu eta inplikatu baitira urte luzez.

Langileen aldarrikapenak mahai gaineratzeko, eta langileek eskatuta, LAB sindikatua Maite Peñarekin bi bilera egin ditu, beraz, Aldundia zentro honetan gertatzen denaren jakitun da hasiera-hasieratik, eta argi dugu zerbitzuaren erantzule nagusia dela.

Erakunde publikoak eten gabe ari dira zaintza lanarekin zerikusirik duten zerbitzu publikoak azpikontratatzen eta pribatizatzen. Horrek lan baldintzen prekarizazioa dakar eta baita zerbitzuen kalitatea okertzea ere, eta guzti hori langileen eta erabiltzaileen kalterako. Kasu honetan, ez da kasualitatea bai batzuk zein besteak emakumezkoak izatea.

Guk mugimendu feministarekin elkarlanean jarraituko dugu indarkeria matxista jasaten duten emakumeen baldintzak zentru hauetan hoberenak izan daitezen, beti ere kontutan izanda erantzule nagusia Gipuzkoako Foru Aldundia dela.
 

 

 

AZKEN ALBISTEAK | ĂšLTIMAS NOTICIAS

Jakinarazi dugu 2024an Nafarroako 5 langile gehiago hil direla, eta Nafarroako Gobernuari exijitu diogu nafar langileen heriotza etengabeari amaiera emanen dioten neurriak hartzeko

Gaur egin duen agerraldian LAB sindikatuak jakinarazi du 2024an zenbatuta zeudenak baino 5 langile gehiago hil direla. Hala, aurten, azken urteetako tasa guztiak apurtu ditu Nafarroak, 2024 honetan dagoeneko 26 lan heriotza izan baitira. Egoera larri horren aurrean, LABek uste du Elkarrizketa Sozialaren Kontseiluak barnebiltzen dituen CEN patronaleko enpresarien, eta UGT eta CCOO sindikatuen interes korporatiboak ezin direla jarri langileon osasunaren eta bizitzaren gainetik eta, ondorioz, Gobernuari exijitu dio Nafarroako Lan Osasuneko Kontseilua aktibatzea, bertan egoera zuzentzeko beharrezkoak diren neurriak har daitezen.

BetiOn Eusko Jaurlaritzaren telelaguntza-zerbitzuaren hitzarmena sinatu dugu, gutxieneko %30,08ko soldata-igoerarekin

Ostegun honetan, azaroaren 21ean, LAB sindikatuak hitzarmen kolektiboa sinatu du EAEn telelaguntzako eta jarduera soziosanitario osagarrietako zerbitzu publikoa kudeatzen duen Ilunion sozio-sanitario-Ibermática Aldi Baterako Enpresa Elkartearentzat. Honek 80.000 herritar baino gehiago artatzen ditu.Negoziazio luzea eta gogorra izan da. Bi enpresaren eta Eusko Jaurlaritzaren aurkako negoziazioa, azken honek pribatizatzen baitu langileek ematen duten zerbitzu publikoa. Hala ere, langile nekaezin eta aktiboek egindako borrokaren ondorioz, hobekuntza oso garrantzitsuak lortu dira:Soldata-igoera • Gutxienez % 30,08ko soldata-igoera lortu da. Gainera, KPIari lotutako igoera da, eta hori bermatzeaz gain, erosteko ahalmena benetan berreskuratzea dakar. • % 30,08ko igoera hori, oinarrizko soldatari ez ezik, soldata-osagarri guztiei ere aplikatuko zaie.Lanaldi-murrizketa Urteko lanaldia 1.592 ordukoa izango da, eta orain artekoa ia hiru lanaldi osotan murriztuko da.Lizentziak, familia-kontziliazioa eta urteko lanaldia doitzeko egunak: • 12 urtetik 14ra igotzea zaintzagatiko lanaldi-murrizketa. • Ordaindutako lizentzia guztiak parekatzea ahaidetasun sozial gisa izendatutako pertsonarentzat. • Malgutasun handiagoa urteko lanaldia doitzeko egunetan. • Hitzarmen bidez erregularizatzea jaiegun arruntetan lan egiteagatiko konpentsazioa, errege-dekretuaren arabera, LABek aurretik aurkeztutako salaketaren aurrean.LABen argi dugu lortutako hobekuntza guztiak langileen zati handi batek egindako mobilizazio, greba eta batzarrei esker lortu direla. Borroka honek merezi izan du.Jakin badakigu oraindik eduki garrantzitsuak daudela lortzeko, eta LABek horiei aurre egiten hasi nahi du. Sindikatu honek argi dauka BetiOneko langileek zerbitzu publikoa ematen duela eta langile publikoak direla.Gaurtik aurrera, LAB lanean hasiko da langileekin publifikaziorako bidea eta urrats zehatzak adosteko, eta hori onuragarria izango da bai langileentzat bai zerbitzu horren erabiltzaileentzat.Amaitzeko, LABek bere onespen zintzoa adierazi nahi die lan-baldintza bidezkoagoen alde borrokatu diren pertsona guztiei. Iritzi desberdinak, beti legitimoak eta askotan beharrezkoak izan arren, egindako bidea egin gabe ez ziren hobekuntza garrantzitsu horiek lortuko.

Araudiaren erreformak atzeratu egiten du erregularizazio masiboa Atzerritarren Legea indargabetzeko beharrezko urrats gisa

Atzerritarren Legearen araudiaren erreforma onartu zuen pasa den asteartean Espainiako Gobernuak. Maiatzaren 17an sartuko da indarrean, Gizarteratze, Gizarte Segurantza eta Migrazio Ministerioak bultzatuta.