2025-03-19
HomeEkintza SindikalaFVEMek argi utzi du Bizkaiko metalgintzako hitzarmenik ez duela nahi

FVEMek argi utzi du Bizkaiko metalgintzako hitzarmenik ez duela nahi

Gaur Bizkaiko metalaren negoziaziorako mahaiaren hogeita batgarren bilera burutu eta emaitza ezin izan da negargarriagoa izan. Akordiorik eza alde batera utzita, negoziazioan patronala ordezkatzen duten pertsonen borondate falta eta jarrera izan dira arazoak.
Negoziaziora gonbidatzen ez zuen tonu batean, patronalak plataforma berria aurkezteko tarte txikia aurpegiratu egin du, segundo batzuk geroago proposamena guztiz onartezina zela baieztatu duelarik. Proposamen berria ekonomikoki aurrekoa baino altuagoa zela esan dute, eta beren irizpidearen arabera zenbat altuago zen galdetu zaionean, ez dute jakin zer erantzun. Azkenik, sindikatuak aseezin gisa deskalifikatu ditu patronalak.
FVEMek azaroaren 24an egindako azken proposamenetik, gehiengo sindikalak mugimenduak egin ditu honako atal hauetan:

  • Urteko lanaldia 24 ordutik 8ra murriztea.
  • Sektore osorako subrogazioa eskatzetik telefoniako eta zuntz optikoko lineak instalatzeko eta mantentzeko langileentzat izatea mugitu dugu.
  • ABLEek kontratatzeko debekuari uko egitea.
  • Eta garrantzitsuenak, gaurko bileran, hitzarmenaren bigarren urtetik aurrerako igoerak aldatuta, KPIak berrikusteko klausularen formula onartu da, FVEMen proposamenarekin bat etorriz.
    Negoziazioa amaitutzat jotzen duten galdetuta, mugimenduak beren irizpidearen arabera eta eurek uste duten denboran egingo dituztela erantzun dute. Gaurko bileran agerian geratu dira FVEMen gezurra eta CCOO-LAB-UGTren gehiengo sindikalak negoziatu nahi ez duela inposatu nahi duten kontakizun publikoa.
    Laburbilduz, FVEMek negoziazioa mespretxatzen du, eta FVEM ez da sektoreko 56.000 pertsonaren lan-baldintzen erantzule egiten.
    Egoera horretan, borroka eta mobilizazioa dira patronalak onartzen duen alternatiba bakarra. Ez dezatela beraz negoziazioko alderdien arteko ulermena eskatu. Negoziatu ez duen alderdi bakarra patronala izan da.
    Bestalde, azken astean hainbat pertsonari jakinarazi zaie ordena publikoa aztoratzea egotzita ikertuak izaten ari direla. Eusko Jaurlaritzak eta Ertzaintzak jakin dezatela, argi dugu greba ez dela delitua, eta gure hitzarmena defendatzeko beharrezkotzat jotzen ditugun ekintza guztiak egiten jarraituko dugu.

AZKEN ALBISTEAK | ÚLTIMAS NOTICIAS

Eusko Jaurlaritzak sektore publikoko lan baldintzak negoziatzeari uko egiten jarraitzen du

ELA, LAB, Steilas eta ESK sindikatuek salatu dute Madrilek soldata eta enplegua negoziatzeko ezarritako mugak aitzakia direla EAEn murrizketak aplikatzeko.

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.