2025-03-17
HomeEkintza SindikalaEuskal markoa blindatzeko proposamenak jarriko ditugu mahai gainean

Euskal markoa blindatzeko proposamenak jarriko ditugu mahai gainean

Gaur, hilak 30, Confebaskek deituta lau sindikatuak batu gara negoziazio kolektiborako akordio intersektorial bat negoziatzeko mahaia irekitzeko. LABek negoziazio kolektiborako euskal esparrua blindatzeko apustu argia egiten. Horregatik, hurrengo bilerari begira, langileen eskubideen defentsa eta euskal markoa blindatzea ardatz hartuta, Confebaskek egindako proposamena aztertu eta beharrezko ikusten ditugun ekarpen eta proposamenak helaraziko ditugu.

LAB beti egon da negoziazio kolektiborako euskal esparrua blindatzearen alde eta akordio intersektorial bat erdiesteko egondako bi negoziazioetan parte hartu du. Orain arte CONFEBASK izan da horrelako akordio bat ekidin duena. Gogoratu behar da 2013an ezezkoa eman ziola horrelako egitura akordio bati.

Gaurko batzarrean, beste behin, agerian geratu da mekanismo bat beharrezkoa dela patronal bakoitzaren ordezkaritza zehatza ezagutzeko. Hain zuzen ere, Garen eta Confebasken artean lehia egon da mahaian esertzeko eskubidea nork zuen jakiteko eta bakoitzak izan beharreko ordezkaritzaren inguruan. Bada garaia, hauteskunde sindikaletan sindikatuen ordezkaritza neurtzen den moduan, patronalaren ordezkaritza neurtzeko mekanismoak sortzea honelako arazoak ekiditeko.

LABek bere aldetik, mahaia osatu ostean, honelako akordio batek kontuan hartu beharko lituzkeen puntuak azaladu ditu. Hala nola estatuko hitzarmenen aurrean bertako hitzarmenak babestea izan behar du helburu, negoziazio kolektiboa blokeo egoeragatik atera eta ultraktibitatea galdu ostean indarrean ez dauden hitzarmenen egoerari heldu behar dio, etorkizunean ultraktibitatea galduko duten hitzarmenak nola babestu aztertu beharko da eta negoziazio kolektiboaren desblokeoa erdigunera ekarri behar du. Hau horrela izan dadin proposamen zehatzak jarriko ditugu mahai gainean.

 

 

 

AZKEN ALBISTEAK | ÚLTIMAS NOTICIAS

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.

LABentzat Osasun Mahaian erabakigarria izango da publikotasun eredua, eta hori bermatzeko presio sozialaren alde egiten du

Hamar lantaldetan parte hartuko du sindikatuak, baina Lankidetza Publiko Pribatua eta Hitzarmenaren araubidea izenekoan gertatzen denaren arabera hartuko ditu 3. faserako erabakiak.