2025-03-16
InicioSecretaríasSecretaría FeministaInork ikusi nahi ez duen zapalkuntza ikusgarri egin dugu

Inork ikusi nahi ez duen zapalkuntza ikusgarri egin dugu

“Lan duina, bizi duina” Ekimen Ibiltariak lehen lerrora eraman ditu emakumeak, azaroak 25aren etorrerarekin; Emakumeenganako Indarkeriaren Kontrako Nazioarteko Egunean, alegia. Hala, solasaldi bat egin dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin. "Euskal Herrian beste eredu bat behar dugu, lanaren, denboraren eta aberastasunaren banaketa zuzenean oinarritua. Kalitateko zerbitzu publikoen sarea gogoan hartuko duena eta ikuspegi oso batez zaintza bere gain hartuko duena; alegia zaintzeko, ez zaintzeko eta zainduak izateko eskubidea bermatuko diguna. Eta baita sexuaren araberako lan banaketa, esplotazioan eta emakumeen aurkako indarkerian oinarrituko ez duena", aldarrikatu dugu.

Indarkeria Matxistaren aurkako Nazioarteko Egunaren etorrerarekin, LAB sindikatuak salatu eta ezagutarazi nahi du lan arloan nahiz arlo sozialean ezkutuan geratzen den errealitatea: sexu indarkeria etxeko emakumezko langileen aurka.

Beti esan dugu emakumeen aurkako indarkeria sistema heteropatriarkalaren tresna dela, sistema berak ezarri eginkizunei eutsi diezaiegun, otzanak eta esanekoak izan gaitezen, isilik egon gaitezen; generoaren araberako ordenamendua bete dezagun, ama onak, emazte hobeak, emakume eredugarriak, arduratsuak, eztiak eta langileak izan gaitezen, eta geure bizitza beraren lepotik, etxeko eta familia batasunaren arduradunak izan gaitezen.

Gure mendebaldeko jendartean, gaur egun, sexuaren araberako lan banaketak eta pertsonen sexu eta generoaren arabera banatu izanak bizi dugun desorekaren irudi argia adierazten digute. Zaintza lanak oraindik emakumeon esku daude, gaizki ordainduta nahiz doan egindako lanen truke; eta etxekoa ez den norbaitek lan hauek egin behar izaten dituztenean, oro har, emakumeek egiten dituzte, emakume inmigratuak edo txirotuak, laneko ordutegi, soldata eta eskubide gabeko baldintza deitoragarrietan egiten dute. Honez gain, zaintzara bideratu zerbitzu publikoen eskasiak egoera hori are gehiago larriagotzen du, lan horiek, administrazioak eta emakume denon artean jendartean antolatuz geureganatu beharko genituzkeenak, ordezkatzen ari dira, esplotazio- baldintzetan lan egiten duten etxeko emakume-langileak erabiliz.

Badira egoera batzuk gaur egun pentsaezinak, imajinaezinak iruditu ditzakegunak, baina inpunitate osoz gertatzen ari direnak lanpostuetan. Errealitateok egunero jazotzen ari diren arren, ezkutuan eta ikusezin gordetzen dira, pairatzen duten emakumeak erabateko babesgabetasunean utziz. Etxeko emakume langileek jasan behar izaten dituzten sexu erasoez eta sexu jazarpenaz ari gara. Jatorria, klasea eta generoa diren opresio ardatzen nahasketak, hots, emakume inmigratua izatea, txiroa, bestelako jatorri batekoa, etxebizitza batean bakarka lan egitea, atzerritarrei buruzko lege berak eskubideez gabetuak,… berekin dakar aipatu langileak guztiz babesgabe daudela, lanpostuetan jasan behar izaten duten indarkeria matxistaren aurrean, eta indarkeria darabilena erabateko inpunitateaz jarduten dela.

Gogora dezagun Euskal Herrian lan egiten duten bi emakume inmigratuetatik batek etxeko lanetako sektorean diharduela, eta barnekoak emakume inmigratuen ia %90a direla. Gaurko egunez, hemen eta orain, gure herriko etxeko barne emakume langile gehienek bizi duten egoera ezagutaraz dadila nahi dugu; indarkeria mota hau salatu nahi dugu, langile hauei sostengua adieraziz, jendarte mailako ardura hau onartu dadila nahi dugu, eta gizarteari eta erakundeei hertsatu nahi diegu, errealitate anker honen aurrean, ezikusiarena egiteari utz diezaioten.

Mobilizazioekin bat
Bestalde, azaroaren 25eko aldarrikapen eta mobilizazio egunarekin lotuta, mugimendu feministak arratsalderako deitutako manifestazioekin egin dugu bat. 
 

 

 

AZKEN ALBISTEAK | ÚLTIMAS NOTICIAS

La mayoría sindical se movilizará ante la arrogante y explotadora posición de Confebask

Los sindicatos ELA, LAB, ESK, STEILAS, ETXALDE e HIRU nos movilizaremos el 3 de abril y llamamos a participar en las movilizaciones convocadas para el 5 de abril por el movimiento de pensionistas en favor de unas pensiones y salarios dignos.

El Gobierno Vasco debe abandonar el autoritarismo y mejorar las condiciones laborales de las 100.000 personas a su cargo

ELA, LAB, ESK y Steilas han convocado el 18 de marzo una concentración para reclamar al Gobierno Vasco que atienda las reivindicaciones de la...

LAB denuncia que en la negociación del ERE queda demostrado que Guardian tenía programado el cierre de la planta hace mucho tiempo

Desde LAB manifestamos nuestro más absoluto rechazo al ERE de extinción presentado por Guardian, una decisión empresarial que supondrá la destrucción de 171 puestos de trabajo y el cierre de una de las empresas más emblemáticas de la comarca. Nos reiteramos en que no aceptamos las causas esgrimidas por la empresa para justificar esta medida drástica, y que además no están siendo acreditadas por la empresa. Las causas que alegan para presentar el ERE son provocadas por la multinacional.