Nork ezagutzen du langileen egoera beraiek baino hobeto? Inork ez. Horregatik jo du sindikatuak zuzenean beraiengana. Industrian enpresa handi eta txikietako errealitatearen artean alde dago, beraz azken horiei begira lanketa espezifikoa egitea erabaki dugu. 300 enpresa txiki edo ertainetan izan gara langileen hitza jasotzen.
helburu honekin lanketa espezifikoa abiatu da enpresa txiki eta ertainetako langileek dituzten kezka eta lehentasunak aztertu eta berresteko asmoz. Galdezkatuek azaldu digutenez soldaten egoera da beraien kezka nagusia, atzetik datoz hitzarmenen aplikazioa, lan osasuna, convenio edo paktuen negoziazioa, laneko erritmoak, malgutasuna…
Prekarietatea iturri diren egoera guzti hauek gainditzeaz gain industrian arreta berezia jarri da kontratazio berrietan ematen den diskriminazioaren salaketan. Lanketa guzti honek isla izango du larunbat honetan Bilboko kaleetan egingo dugu mobilizazio nazionalean eta datorren asterako antolatu diren ekimenetan.