2024-07-03
InicioEnseñanzaIkastolakIkastoletako lan hitzarmenaren defentsan elkarretaratzea egingo du LABek bihar Bilboko epaitegien aurrean

Ikastoletako lan hitzarmenaren defentsan elkarretaratzea egingo du LABek bihar Bilboko epaitegien aurrean

LAB sindikatuak ELAk epaitegian sartutako Lan Hitzarmenaren inpugnazioa dela eta, uztailaren 8an Bilboko Epaitegietan, goizeko 10etan saioa burutuko dela jakinarazi du. Inpugnazioaren atzean ELAren interes propioak eta propaganda mediatikoa lortzeko helburua ikusten ditu LABek. Hau salatzeko eta "Gure lan hitzarmenaren alde" lelopoean elkarretaratzea egingo du epaitegien aurrean.

LABen oharra
Ikastoletako lan hitzarmenaren defentsan elkarretaratzea egingo du LABek bihar Bilboko epaitegien aurrean

«ELAk aurkeztutako inpugnazioaren atzean sindikatu horren interes propioak eta propaganda mediatikoa lortzeko helburua ikusten ditu LABek

Ohar honen bidez LAB sindikatuak jakinarazi nahi du ELAk epaitegian sartutako Lan Hitzarmenaren inpugnazioa dela eta, uztailaren 8an Bilboko Epaitegietan (Barrueta Aldamar kalea), goizeko 10etan saioa burutuko dela.

Jakin badakigu ELAk sartutako inpugnazio horrek ez duela inongo ondorio praktikorik izango. Zaila egiten zaigu ELAren jarduna eta ekintza sindikala ulertzea.

Beraz, horren aurrean, ondorengo adierazpenak egin nahi ditugu:

LAB sindikatuak beti izan ditu lehentasunak oso garbi, eta hemen berrestera gatoz hauek direla gaur egun ere gure jardun eremuko helburu behinenak: langileen lan-postuak mantentzea, eskubide laboralak defendatzea, PPren Lan Erreformaren ondorioak indargabetzea, Ikastolaren izaera parte hartzailean sakontzea, langileen eskubideak bermatzeko finantziazio publikoa lortzea, LOMCEri aurre egitea eta Euskal Herriko Hezkuntza Sistema eraikitzea. Horiek guztiak aintzat hartuta hitzartu genituen, EAEko ikastoletako akordioa eta Lan Hitzarmena.

Gogora ekarri nahi dugu, bestalde, akordio horrek ikastolen %98aren babesa jaso zuela, bai ikastolen titularren aldetik, baita langileen aldetik ere, horien artean ELAko zenbait ordezkari eta afiliatu, ez gutxi ere, bazeudela ahaztu gabe.

LAB sindikatuaren ekintza sindikala egunerokotasunean sortzen diren oztopoei aurre egitean eta irtenbide duin bat ematean oinarritzen da. ELAren jardunak, berriz, propaganda mediatikoa lortzera eta Hauteskunde Sindikalei begira bideratuta dagoela ematen du, sindikatuaren interesetan bere indarrak xahutuz eta langileen interesen aurretik jarriz.

Oso modu harrigarrian, jarri duen inpugnazioa bi atal nagusi hauetan oinarritzen du ELAk:
1.- Lan Hitzarmeneko Bitariko Batzordearen funtzioetan.
2.- Batzorde horretan lorturiko akordio ekonomikoan.

Ezinaren erremina agerian utzi du ELAk, nahiago izan duelako epaitegiko bidea hartu bere ideia eta proposamenak dagokion tokian defendatzea baino. Bitxia ere bada, baina Mahai Negoziatzailearen azken bilerara ez zen agertu, eta horrek erakusten du bere ahultasunaren eta negoziatzeko gaitasun ezaren neurria.

Hala ere, jakinarazi nahi dugu, ikastolek Lan Hitzarmeneko Bitariko Batzordean adostutako akordioa askatasunez ontzat eman, eta bakoitzaren egoera eta beharren araberako akordioak berretsi zituztenez, ELAk sartutako inpugnazioak ez duela inongo ondorio praktikorik izango.

Esan bezala, uztailaren 8an dago jarria epaiketa saioa. Egun horretan LAB sindikatuak, bere delegatu, afiliatu, zein langile oro deitzen du “GURE LAN HITZARMENAREN ALDE” lelopean egun horretan bertan, goizeko 09.30ean Barrueta Aldamar kaleko epaitegien aurrean burutuko den kontzentrazioan parte hartzera.

Euskal Herrian, 2014ko uztailaren 7an»

 

 

 

AZKEN ALBISTEAK | ÚLTIMAS NOTICIAS

Frente a la instrumentalización de la excusa de la descarbonización para destruir empleo, abogamos por una verdadera transición ecosocialista

Garbiñe Aranburu, coordinadora general del sindicato, ha participado en las movilizaciones de los trabajadores y las trabajadoras de Cementos Rezola que llevan varios días en huelga indefinida, donde ha subrayado que la reconversión industrial debe tener como base la participación de los y las trabajadoras. Mañana, jueves, la plantilla de Rezola de Añorga llevará sus reivindicaciones a la planta de Arrigorriaga.

Nos hemos concentrado en Iruñea para denunciar la muerte de un transportista en Etzegarate

Los sindicatos LAB, CGT-LKN, Steilas, ESK y EHNE-Etxalde e Hiru nos hemos concentrado hoy en la calle San Ignacio de Iruñea, frente a la sede del Gobierno Foral de Nafarroa, para denunciar la muerte del transportista fallecido la semana pasada en Etxegarate y la alta siniestralidad laboral en las carreteras navarras bajo el lema “No más accidentes laborales; la precariedad mata”.

Los plenos municipales de varios pueblos y ciudades de la CAV aprueban las mociones registradas por LAB para aumentar la oferta de plazas del...

Tras el trabajo realizado en los últimos años por LAB con diferentes agentes sociales y familias, así como fruto de diversas huelgas y movilizaciones, el sindicato ha conseguido implantar la gratuidad durante este curso en el Consorcio Público Haurreskolak, que ofrece servicio educativo al alumnado de 0 a 3 años. Esta medida ha tenido una incidencia directa desde el principio en el número de solicitudes de las familias.