TS Fundiciones enpresako langileek zuzendaritzatik enpresa bideragarritasunaren baitan duela urte bete sinatutako akordioa ez dela betetzen ari salatu dute. Langileak kezkaturik azaldu dira lantegiko lana beste enpresetara desbideratzen ari dela ikusik eta astearte honetarako zuzendaritzak bideragarritasun plangintza berria aurkezteko deitutako batzarraren aurrean.
Prentsaurrekoaren edukiak
Urte asko daramatzagu etengabeko borrokan.
Behin eta berriz kolpatu gaituzte eta behin eta berriz altxatu. Garai gogorrak bizi izan ditu Euskal Herriko langileriak, eta batez ere Urola eskualdeko langileriak. Kapitalismo gordinak sorturiko krisiak, ikaragarrizko kalteak eragin ditu, guk lan eta bizi dugun eskualdean. Corrugados, Azkue eta konpainia, Grumal eta isilean desagertzen eta sufufritzen hari diren beste enpresa asko esaterako. Eta nola ez, guk lan egiten dugun TS Fundiciones-en.
Ondo bete dituzte lanak enpresari eta politikari ustelek, beraien poltsikoak ondo babestu eta langileenak hustu eta xurgatuaz!
TS-eko langileok, ahal dugun bezala erantzun diogu behin eta berriz etorritako enbata kolpeei. Eta prest gara etorriko diren kolpe berriei ere eusteko!
TS Fundicionesen azken hiru urtetan emandako kaleratzeen ondorioz, 330 langile izatetik 145 langile izatera pasa gara.
Nahiz eta ezin bizi atzera begira, enpresa bideragarritasunaren baitan duela urte bete bi alderdien arteko akordio bat sinatu genuen, nahiz eta akordio hau lortzeko borroka oso latza izan zen.
Akordioak akordio eta hitzak hitz momentu berezi batera iritsi gara, non konturatu garen, enpresak ez duela akordioa betetzeko inongo asmorik, baizik eta guztiz kontrakoa.
Akordio honen ondoren enpresaren eraso berriak etorri ziren: ikaragarrizko EREa, langileenganako humilazioak, gestio eza eta enpresa ondoratze bidean jartzeko erabaki eta neurri ugari.
Langileok azken urteetan zehar sufrimendu ugari paiaratu dugu zuzendaritzak hartutako neurrien ondorioz. Kaleratzeak, soldata beherapenak, EREak, urteko lanaldia aurreratu, larunbatetan lanera etortzera behartuaz, oporretan lana egiteko txantaia eginez, hiru hilabetez EREan egonda, beldurra eta izua erabiliz nahi dutena lortzeko.
Gezurra bat bestearen atzetik! Eta orain enpresaren sakeoa! Hustutzea!
Egoera tamalgarri honetara, beraiek sortu duten zor piloak eta gestio eskasak bultzatu gaitu! Are gehiago, gure kezka da enpresa honi ez zaiola TSren etorkizuna interesatzen.
Orain guk egiten dugun lana eta lana egiteko erabiltzen ditugun bitartekoak -moldeak- beste enpresa batzutara eramaten ari dira. Bai akzionisten lantokietara -Wec- bai eta beste lantoki batzuetara ere. Lantokia hustutzen ari dira!!
Hau al da mahai gainean daukagun etorkizuna?
Aitortu behar dugu egoera ondo prestatu dutela langileei txantaia eta beldurra sartu eta mehatxu gehiago mahai gainean ipintzeko.
– Zein da gure etorkizuna?
– Non dago hainbeste lanek emandako dirua?
– Zertarako balio dute langileok egin behar izan ditugun sakrifizio guztiak?
Sorazu, Aizpurua, Sagarzasu, Oreja ZUEK ZARETA ERRUDUNAK!
TSko langileok beti egin dugu gure lantokiaren alde. Baina gure enpresaren alde egitea ez da kaleratzeak eta humilazioak onartzea!
TSko langileok eman dugu urtetan zehar eman beharreko guztia.
Utzi pakean TSko langileria! Hori da eskatzen dugun bakarra!
TSren alde egiteko prest gaude baina ez gure eskubideak zanpatuaz. Badago adostutako akordio bat enpresa bideragarritasunaren baitan eta hori errespetatzea exijitzen dugu!
SORAZU, SAGARZASU, AIZPURUA, OREJA…
ZUEN ABERASTASUNA TSeko LANGILEEN MISERIA!
Akzioniodunak, Zuzendaritza! Prest al zaudete enpresa aurrera ateratzera, langileen oinarrizko eskubideak zanpatu gabe?
Hala bada, langileriaren esku garbia eta esfortzua beti zabalik edukiko duzue!
Gora TSeko langileria! Gora Urolako langileria! Gora EHko langileria eta beraien duintasuna!
{module[111]}