2024-07-22
InicioServicios PúblicosMedios de ComunicaciónEITBko albistegietako zuzendaritzak FOCUSen informazioa eginda ematen die kazetariei

EITBko albistegietako zuzendaritzak FOCUSen informazioa eginda ematen die kazetariei

EITBko LABek albistegietako zuzendaritzaren jokabide partidista, antiprofesionala eta manipulatzailea salatu nahi du. Izan ere FOCUS delako inkestaren emaitzen informazioa ekoizteko garaian, kazetariek beharko luketen dokumentazioa eman ordez, lerroburuak baino ez dizkie eman izan, hauen lana ahotsa eta sinadura jartzera mugatzen saiatuz.

Gizaker enpresak asmatu du FOCUS izena duen EAJaren aldeko propoganda bitartekoa. “Txosten sozio-politiko” hau boto asmoei buruzko inkesta sorta besterik ez da, nahiz eta ETAren armagabetzeaz ere hainbat galdera sartu dituzten, seguruenik FOCUSen benetako asmoa maskaratzeko. Gizakerrek EITBrako egin ohi du lan hauteskunde kanpainen inguruetan.

Oraingoan, FOCUS horren barruan, udaletarako eta batzar nagusietarako dagoen boto asmoa aztertu du. Alkate eta Ahaldun Nagusien balorazioa ere agertzen da, egiten ari diren kudeaketa, bi alderdi EAJren eta PSEren arteko akordioa… Inkestaren emaitzak ez du zalantza izpirik uzten, agintariok oso ondo egiten dutelako eta bi alderdion arteko hitzarmena ezinbesteko delako gizartearentzat.

Antzematen da FOCUS oso baliabide ona dela erakundeen, alegia EAJren, irudia goraipatzeko eta etorkizunari begira bidea “sasiz garbitzen” joateko. Dire publikoa erabiltzen da horretarako, jendarteak jakin barik ze aurrekontua duen FOCUSek eta ze bizi iraupena izango duen. Ez gintuzke harrituko legegintzaldia amaitu baino lehen FOCUS gehiago etortzea EAJren interesak babesten jarraitzearren.

FOCUS bera filtratuko ez ote den aitzakiaz, inkesta oso bahetuta heltzen da, oso “kozinatuta”. Osorik heldu beharrean, orri bat hamar bat lerro bururekin izan da eskaintzen den lan egiteko materiala, ez inkesta osorik. Azkenean osorik eukitzea lortu da kazetariek eurek eskatu dutelako erabateko ikuspegia euki eta ahalik eta objektibitate handienarekin lantzeko. EITBko LABek berriro dio, erredakziora, kazetariengan, inkestaren emaitzak oso bideratuta heldu izan direla orain arte. Inkesta honezkero nahiko bideratuta egongo ez balitz bezala, EITBko albistegietako zuzendaritzak mezua are zuzenduago bideratu behar zela erabaki du.
 

 

 

AZKEN ALBISTEAK | ÚLTIMAS NOTICIAS

Hemos pedido al Lehendakari Pradales que impulse políticas a favor de la clase trabajadora y mejore los servicios públicos

Hemos advertido que un pacto de país sobre Osakidetza no será posible sin una mayoría trabajadora.

Afiliadas de LAB en la caravana Abriendo Fronteras

Varias personas del sindicato an vuelto a participar, una vez más, en la Caravana Abriendo Fronteras que ha partido hasta los Balcanes. El objetivo de esta iniciativa es denunciar esta Europa insolidaria que vende armas y militariza sus fronteras.

Las casi 200 luchas sindicales impulsadas por LAB durante este último curso han fortalecido el ámbito propio

Los conflictos en las empresas han aumentado y 4 de cada 10 conflictos abiertos están cerrados, con contenidos más plurales.