2025-03-20
InicioServicios PúblicosSanidadBenetako inplikazioa exijitzen diogu Osakidetzari Berdintasun Planaren inguruan

Benetako inplikazioa exijitzen diogu Osakidetzari Berdintasun Planaren inguruan

Osakidetzak gizon eta emakumeen arteko berdintasun plan bat eduki behar zuen orain dela 10 urte, legeak behartzen duen moduan. LABek behin eta berriro salatu du egoera.

2015ean, kanpoko enpresa baten bitartez, Osakidetzako gizon eta emakumeen arteko berdintasunaren inguruko diagnosi txosten bat burutu zen, hau izan zen legalki eskatutako plana lantzeko lehen pausoa. Emakumeen kontrako soldata arrakala %24,44koa da, berdintasun eza arazo estrukturala da eta neurri estrukturalekin egin behar zaio aurre.

LAB sindikatuan ez gaude prest berdintasun plan hau parlamentuaren agindua betetzeko soilik izatea, gakoa jendearen bizi kalitatea hobetzea eta desberdintasunak saihestea baita. Beraz, berdintasun batzordean dugun presentzia benetan jarduteko konpromisoa izatearekin baldintzatzen dugu.

Plan hau eraginkorra izateko betebeharra dugu, Osakidetzako 35.000–45.000 langileez gain, (noizbait jakingo ote dugu benetan zenbatekoa den Osakidetzako langile kopurua?) biztanleriaren gehiengoarekin harreman zuzena duelako.

Barne-plana eta kanpo-plana ezberdin lantzeko beharra ikusten dugu, kanpora begirako planean feminismoa eta berdintasuna lantzen duten kanpo eragile desberdinek bertan egon beharko dute (emakume kolektiboak, paziente eta erabiltzaile kolektiboak…) eta era berean, koordinazio sozio-sanitarioaren hobekuntza bat.

Barne-planaren helburua ez da soilik soldata mailen aldea, ezin dugu ahaztu jendart- ongizatea guztien inplikazioaren menpe dagoela bizitzaren etapa guztietan, gure lan-bizitzan kontziliaziora behartzen gaituelarik. Plana behartuta dago kontziliazio eta erantzunkidetasun neurriak hartzera, eta era berean, Lan-Baldintzen Akordioa aldatzera.

Plana eraginkorra izateko berdintasunean aditu diren langile talde bat behar dugu Osakidetzako plantila barruan (15 berdintasun teknikari gutxienez) planari forma emateko, aldaketaren eragile izateko, eta lan espezifikoak egiteko.

Zoritxarrez, berdintasun planak administrazio tramite huts bihurtu dira, ezer egiten ez dela estaltzeko. Guk argi ditugu gure eskariak: konpromisoa eta baliabideak.

 

 

 

AZKEN ALBISTEAK | ÚLTIMAS NOTICIAS

El 5 de abril manifestación en Iruñea por unos salarios y pensiones dignas

Aquí tenéis los contenidos de la rueda de prensa en la que hemos participado hoy en Iruñea:

Huelgas y movilizaciones en las residencias de Araba en defensa del convenio provincial y en demanda de un sistema de cuidados público y comunitario

Las tendencias privatizadoras de la Diputación de Araba han puesto en grave situación tanto las condiciones de vida de los y las trabajadoras como el sistema de cuidados. Por eso, una vez más, las trabajadoras de las residencias de mayores hemos hecho huelga ayer y hoy y hemos salido a la calle para negociar el convenio laboral provincial y reivindicar un sistema de cuidados público y comunitario.

Trabajadoras de residencias de Gipuzkoa exigen un convenio digno

Se han concentrado hoy frente al Consejo de Relaciones Laborales, en Donostia.