Erandioko Sanitas Loramendi adinekoen egoitzako langileak lanuzteak egiten ari dira joan den ekainaren 4tik. Urriaren 20ean, zuzendaritzaren immobilismoa eta erantzun faltaren aurrean, egunean 24 orduko greba mugagabea egitera behartuta ikusi zuten euren burua. Hala, mobilizazioetan murgilduta daude bete-betean, eta gaur, Bilbon, karpa bat jarri dute Bizkaiko Foru Aldundiaren aurrean euren lan gatazka gizarteratzeko.
