2025-03-13
HomeEkintza SozialaEkosozialismoaErrigora, Euskarari puzka udazkeneko kanpaina abian da

Errigora, Euskarari puzka udazkeneko kanpaina abian da

Auzolanean Euskal Herritik Nafarroa hegoaldera eta Nafarroa hegoaldetik Euskal Herrira elikadura burujabetzaren bidean ale bat gehiago eskainiz eta euskarari auspoa emateko Errigora, Euskarari puzka udazkeneko kanpaina jarri zen martxan atzo.

Errigora Euskal Herria oinarri eta elkarlana tresna dituen ekimen herritarra da eta nafar hegoaldea du ardatz. Nafar hegoaldeko laborantza indartu asmo du, horretarako eremu horretakoak propio diren produktuak Euskal Herrian zehar zabalduz. Elikadura subirautzak herri bezala indartzen baitgaitu. Bestetik, nafar hegoaldeko "zona no vascofona"ko euskalgintzari ekarpentxoa egin asmoz, bultzada ekonomikoa egitea lehentasuntzat hartzen du. Euskal Herri euskalduna baitu helburu.

Euskal Herriko txoko guztietara iristea da proiektuaren erronka, horretan datza arrakasta. Saskiak eskatzeko epea urriaren 27tik azaroaren 12ra. Informazio gehiagorako: errigora.eus
 

 

AZKEN ALBISTEAK | ÚLTIMAS NOTICIAS

0-3ko euskarazko plaza gehiago bai, baina honela ez

Iruñeko udal haur-eskoletan euskarazko plazen eskaintza zabalduko da. Plaza berriak eskola mistoetan eskainiko dira, non euskarazko eta gaztelaniazko lerroak elkarrekin biziko diren.

Zerbitzu publiko eta kalitatezkoa eskatu dugu Correosen

Akordio berria eta III. Hitzarmen Kolektiboari aldaketa bat inposatzeak ondorio larriak izan ditzake Correoseko langileen lan-baldintzetan eta, hedaduraz, hauek ematen duten posta-zerbitzu publikoan. Correosen eta langile guztien etorkizuna defendatzeko, LAB, ESK eta ELA sindikatuok mobilizazioa egin dugu Donostian goizean. Arratsaldeko 18:00etan ere elkarretaratzeak egingo ditugu Bilbo, Donostia, Gasteiz eta Iruñean.

Euskal gehiengo sindikalak bat egin du Pentsiodunen Mugimenduak apirilaren 5erako deitutako mobilizazioekin

ELAk, LABek, ESK-k, STEILASek, Etxaldek eta Hiruk bere egiten dute gutxieneko soldataren eta pentsio justu eta nahikoen aldeko borroka, hemen, orain eta denontzat.