2024ko otsailaren 15ean burututako asanbladan, Natra OƱatiko langileek enpresa-batzordeak aurkeztutako mobilizazio proposamenarekin bat egin dute baiezko 223 boto, 4 ezezko, eta 3 zurirekin. Beraz, bozkatzaileen %97ko babesarekin, eta grebekin erantzungo diote enpresaren blokeoari.
Otsailaren 19tik 23ra, otsailaren 26tik martxoaren 1era eta martxoaren 4tik 8ra. 02:00etatik 06:00etara, 09:00etatik 13:00etara eta 16:00etatik 20:00etara.
Martxoaren 9an eta 10ean. 02:00etatik 06:00etara, 09:00etatik 13:00etara eta 16:00etatik 20:00etara.
Martxoaren 11tik 15era. 02:00etatik 06:00etara, 09:00etatik 13:00etara eta 16:00etatik 20:00etara.
Martxoaren 16an eta 17an. 02:00etatik 06:00etara, 10:00etatik 14:00etara eta 18:00etatik 22:00etara.
Martxoaren 18tik eta 22ra. 02:00etatik 06:00etara, 09:00etatik 13:00etara eta 16:00etatik 20:00etara.
Martxoaren 23an eta 24an. 02:00etatik 06:00etara, 10:00etatik 14:00etara eta 18:00etatik 22:00etara.
Lanuzteekin batera, mobilizazio batzuk egingo dituzte, besteak beste, otsailaren 24rako (larunbata) manifestazio baterako deia, OƱatiko plazatik 12:00etan abiatuko dena.
LABek enpresaren portaera salatu nahi du. Lanaldia lau txandatan ezarri nahi diete langileei urte osoan. Eta Batzordeak langileen lan-osasuna hondatzen duen neurri hori sinatzeari uko egin dionez, enpresak ez du negoziatzen jarraitu nahi. Errelebo kontratua xantaia gisa erabili nahi dute eta ez dituzte lan erreformen aurkako blindajeak aplikatu nahi. Soldatak eta kategoriak eguneratzeko, aldizkako kontratu finkoak mugatzeko eta 4. txandako baldintzak duintzeko eskatzen dugu.
LABetik argi esan nahi dugu ez goazela onartzera hitzarmenean inongo atzerapausorik. Akordio bat nahi dugu, baina ez dugu onartuko gure lan-baldintzak okertuko dituen hitzarmenik.