2025-03-13
HomeEkintza PolitikoaEmakumeen Mundu Martxaren kurtso hasierako batzarrean parte hartzeko deia egin dugu Idazkaritza...

Emakumeen Mundu Martxaren kurtso hasierako batzarrean parte hartzeko deia egin dugu Idazkaritza Feministatik

Datorren larunbatean, urriak 22, 11:30etik 13:30era, Euskal Herriko Emakumeen Mundu Martxak kurtso hasierako batzar irekia egingo du, Bilboko La Bolsan. LABeko Idazkaritza Feminista bertan izango da, eta, idazkaritzatik bertatik, Mundu Martxako kide garen heinean, sindikatuko emakumeak gonbidatu nahi ditugu bertan parte har dezaten.

Batzarraren helburua, aurreko kurtsoaren balorazioa egitea eta oraingoari begirako lan ildo nagusiak guztien artean erabakitzea izango da.

Batzarra eta gero, luntx txiki bat egingo da, Mundu Martxako Nazioarteko idazkaritzako kide batzuk Bilbon direla baliatuta. Elkarrekin egoteko tartea izango da. Martxan jarraituko dugu, denak aske izan arte!

AZKEN ALBISTEAK | ÚLTIMAS NOTICIAS

0-3ko euskarazko plaza gehiago bai, baina honela ez

Iruñeko udal haur-eskoletan euskarazko plazen eskaintza zabalduko da. Plaza berriak eskola mistoetan eskainiko dira, non euskarazko eta gaztelaniazko lerroak elkarrekin biziko diren.

Zerbitzu publiko eta kalitatezkoa eskatu dugu Correosen

Akordio berria eta III. Hitzarmen Kolektiboari aldaketa bat inposatzeak ondorio larriak izan ditzake Correoseko langileen lan-baldintzetan eta, hedaduraz, hauek ematen duten posta-zerbitzu publikoan. Correosen eta langile guztien etorkizuna defendatzeko, LAB, ESK eta ELA sindikatuok mobilizazioa egin dugu Donostian goizean. Arratsaldeko 18:00etan ere elkarretaratzeak egingo ditugu Bilbo, Donostia, Gasteiz eta Iruñean.

Euskal gehiengo sindikalak bat egin du Pentsiodunen Mugimenduak apirilaren 5erako deitutako mobilizazioekin

ELAk, LABek, ESK-k, STEILASek, Etxaldek eta Hiruk bere egiten dute gutxieneko soldataren eta pentsio justu eta nahikoen aldeko borroka, hemen, orain eta denontzat.