2025-03-18
HomeZerbitzu PublikoakIrakaskuntzaEAEko gizarte ekimeneko ikastetxeetako sindikatuok UGT-k hartutako erabakia deitoratzen dugu

EAEko gizarte ekimeneko ikastetxeetako sindikatuok UGT-k hartutako erabakia deitoratzen dugu

LAB, ELA, STEILAS eta CCOO-ek, UGT sindikatuak atzo hartutako erabakia deitoratzen dugu. Sektore honetako langileok 10 urte daramatzagu lan hitzarmena berritu gabe, eta 10 urte hauetan gure lan-baldintzak kaskartuz joan dira. Egoera honetara iritsi izanaren ardura patronalak eta Hezkuntza Sailak daukate, bakoitzak dagokion mailan, baita gatazkari irtenbide egokia emateko aukera ere.

Mobilizazio dinamikari ekin aurretik hamaika negoziazio mahai eta bilera gauzatu genituen arren, mobilizazio dinamika hasi eta indartu dugun heinean soilik ikusi ditugu mugimenduak patronalen eta Hezkuntza Sailaren aldetik. Behin mobilizazio dinamikari ekin ondoren ere, adostasunak erdiesteko hainbat saiakera gauzatu ditugu sindikatuok, gure planteamenduetan malguak izan gara, proposamen neurtuak helarazi dizkiegu eta erabateko zintzotasunez jokatu dugu.

Patronalen negoziaketarako borondate ezak zein Hezkuntza Sailaren inplikazio faltak ordea, mobilizazioak indartu beste biderik ez digute utzi. Jadanik 27 greba egun gauzatu ditugu sektoreko langileok, 24 azken ikasturte honetan. Baina erabateko arduragabekeriaz, Hezkuntza Sailak gatazkaren irtenbidean parte hartu gabe jarraitzen du, eta patronalak planteamandu berdintsuei bueltaka jarraitzen du, langileen oinarrizko eskaerei erantzun gabe mobilizazioa desaktibatzeko etengabeko saiakeran.

Egoera honen aurrean, sektore honetan ordezkaritza daukagun sindikatuak hurrengo ikasturtera begirako mobilizazioak adostu eta lantzeko bilerak izaten ari gara. Atzo izan genuen bilera hauetako bat, eta datorren asteetarako berriro biltzekotan geratu gara.

Sektore honetan ordezkaritzaren gutxiengoa duen UGT sindikatuak (% 3ko ordezkaritza dauka) atzoko bileraren ondoren publiko egindako planteamendua alde bakarrekoa da eta gainerako sindikatuokin adostu gabea.

LAB, ELA, Steilas eta CCOO sindikatuok, izaten ari garen bilera hauen ondorioz hurrengo ikasturterako pausoak eta mobilizazioak landuta eta adostuta dauzkagunean egingo ditugu publiko.  

 

 

AZKEN ALBISTEAK | ÚLTIMAS NOTICIAS

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.

LAB, STEILAS, ELA eta CCOO sindikatuek EAEko hezkuntza publikoko irakasleen eta sukalde eta garbiketako kolektiboak barnebiltzen dituen grebaren erregistroa egin dute

LAB, STEILAS, ELA eta CCOO sindikatuak Donostiako Lurralde Ordezkaritzan elkartu dira EAEko Hezkuntza publikoko irakasleen eta sukalde eta garbiketako kolektiboak barnebiltzen dituen greba dinamikaren erregistroa egin eta urtarrilean hasitako greba eta mobilizazio zikloari jarraipena emateko.

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin

Tafallako FCC Aqualia-ko hitzarmena berritzea lortu du LABek azkenean, hobekuntza nabarmenekin