2025-03-18
HomeEkintza PolitikoaDispertsioa salatu eta preso politikoen eskubideak aldarrikatu behar ditugu

Dispertsioa salatu eta preso politikoen eskubideak aldarrikatu behar ditugu


Gaur, abenduak 10, Giza Eskubideen Nazioarteko Eguna da. Euskal preso politikoek azken 25 urteotan jasandako sakabanaketa euren giza eskubideen kontrako eraso garbia da, euren bizitzarako eskubidea bera ere zalantzan jartzen duena, gaixotasun larriak dituzten presoen kasuan ikusten dugun bezala.

Nazioarteko egun honen inguruan, eta preso politikoen egoera gogoan Etxerat elkarteak sakabanaketaren kontra zapi-kateak antolatu ditu Gasteiz (12:00etan Ajuria Enean), Iruñea (12:00etan Parlamentuan) eta Baionan (18:30ean Herriko Etxean). Bestalde, Sare-k ere mobilizazioak ere deitu ditu gaurko hainbat lekutan, hala nola, Donostia, Iruñea, Hernani, Deba, Algorta, Gernika, Gasteiz, Urretxu-Zumarraga, Orereta, Plentzia-Gorliz, Itzubaltzeta edo Lasarten. LAB sindikatuak deialdi hauek babestu eta berauetan parte hartzeko deia egin nahi die langileei.

Bestalde, datozen egunetan dispertsioaren aurka eta preso politikoen eskubideen aldeko aldarrikapena lan-munduan zabaltzeko ekimen ezberdinak landuko ditu LABek, hilabete barru, Sare eta Bagoaz-ek deituta Bilbo eta Baionan egingo diren mobilizazioarekin bat eginez, presoen eskubideen alde langileen aktibazioa sustatzeko.
 

 

 

AZKEN ALBISTEAK | ÚLTIMAS NOTICIAS

Bi langile hil dira aurten luma garabiak erabiltzen ari zirela

S.F.P. 62 urteko langilea hil da gaur goizean, eraikuntza lanetan ari zela, Arratzun, Bizkaian. Amuriza Cubiertas y Rehabilitaciones, SL enpresako langilea, luma garabi batekin baserri batetako teilatura materiala igotzen ari zela, goi tentsioko kable batera gerturatu da eta deskarga bat jaso du.

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.