Astearte honetan LABetik salatu dugunez, Servicios Integrales de Limpieza Grupo DAI 96 S.L. enpresako langileek bi hilabete daramatzate apirileko eta maiatzeko nominei dagokien soldata jaso gabe, eta egun gutxitan ekaineko nomina ere ordaindu gabe izango dute.
Enpresa hori Gipuzkoako UVESCO eta BM supermerkatuek kontratatzen dute, besteak beste, beren supermerkatuetan garbiketa zerbitzua emateko.
LABetik enpresarekin harremanetan jarri gara soldatak ez ordaintzearen arrazoiari buruzko azalpenak eskatzeko, eta enpresaren erantzuna izan da beharrezkotzat jotzen dituzten neurriak hartzen ari direla lanpostuak mantentzeko eta nominak garaiz eta modu egokian ordainduko direla bermatzeko. Limpiezas DAI enpresari eta UVESCO eta BM supermerkatuen zuzendaritzei dei egin diegu soldatak ordaindu ez izanaren arazoari berehalako irtenbidea eman diezaieten.