2025-02-18
HomeEkintza SindikalaCorreoseko garbiketako langileek mobilizazio bateratua egin dute Bilbon, zor dietena behingoz ordain...

Correoseko garbiketako langileek mobilizazio bateratua egin dute Bilbon, zor dietena behingoz ordain diezaieten

Bizkaiko, Gipuzkoako eta Nafarroako beharginak Asturiastik eta Galiziatik etorritako kideekin batera atera dira manifestazioan. Correoseko bulegoetan lan egiten dute, J. Cordoba garbiketa enpresak azpikontratatuta. Bada, gehienek urte erdi daramate beren soldata jaso gabe.

Hala, Correosi exijitu diote berehala ordain dezala zor duen guztia, eta horixe oihukatu dute guztiek batera eta horiz jantzita Bilboko erdiguneko kaleetan barrena. Goizean Correosen Etxebarriko logistika gunean abiatu dituzte protestak, eta ondoren, eguerdian, manifestazioa egin dute Bilbon. Urkijo zumarkaleko bulegotik hasi dute ibilbidea, eta Areatzakoaren aurrean beste geldialdi bat egin dute, eserialdia egiteko eta nazkatuta daudela argi uzteko.

Prekaritateak ez du etenik langile hauen egunerokoan, eta oraingo egoera muturrekoa da jada. Gaur argi adierazi dutenez, egoerak berehalako konponbidea eskatzen du, eta langileek beren bizitza aurrera eramateko ezinbesteko duten soldata berehala jaso behar dute.

AZKEN ALBISTEAK | ÚLTIMAS NOTICIAS

Beste lan heriotza bat Nafarroan

2025 hasiera honetan, patronalak eragindako prebentzio faltak beste langile baten heriotza eragin du, urteko zazpigarrena Euskal Herrian eta bosgarrena Nafarroan. 46 urteko Gruas Barragan enpresako langilea, errepide bazterrean matxura bat atenditzen ari zela, auto batek harrapatu du bertan hilaz. Lan istripua A15ean izan da, Martzilla inguruan.

Zaintzaren antolamendu soziala eraldatzeko borrokan berretsi, eta pribatizazioaren erantzuleak interpelatuko ditugu martxoaren 6an

2023ko azaroaren 30ean lehen aldiz egin zen Euskal Herrian zaintza eskubide kolektiboaren aldeko Greba Feminista Orokorra; atzera-bueltarik gabeko urrats bat, Sistema zisheteropatriarkal kapitalista kolonial honetan zaintza krisiari aurre egin genion, eta zaintza sistema publiko komunitario baten alde borroka ziklo bat ireki genuen.

CAF – Rail Linen akordioa lortu du LABek

Borrokaren bideari ekin genion enpresa mailako lehen akordioa erdiesteko eta hainbat lanuzte eta mobilizazio burutu ditugu azken asteetan. Gaur arte ezinezkoa zena posible bilakatu da horrela.