2025-03-18
HomeIndustriaMetalgintzaConfemetal, UGT eta CCOOek sinatutako estatuko metaleko hitzarmenak negoziazio kolektiboa estatu mailara...

Confemetal, UGT eta CCOOek sinatutako estatuko metaleko hitzarmenak negoziazio kolektiboa estatu mailara eraman nahi du


CCOO, UGT, eta Confemetalek sinatutako metalgintzako Espainiar Estatuko hitzarmenak negoziazio kolektiboa Estatuko eremura eramateko estrategian urrats berri bat da, lan erreformaren helburuekin bat egiten duena, lan erreformak jasotzen dituen helburuekin: lan baldintzak prekarizatu metalgintzako sektoreko langileei.

Metalgintzako lan hitzarmenak errespetatu beharrean, zuzenean erasotzen ditu, “beharrezkoa balitz Estatuko Hitzarmena aplikatzeko aukera ezartzen du, salaketa egin ondoren urtebetean herrialde mailan akordiorik ez balego.“ 

Gainera, estatuko batzorde parekideari herrialde mailako negoziazioetan blokeoen aurrean esku hartzeko ahalmena ematen zaio berez dagokionari lapurtuz.

Patronalaren neurrira egindako akordioa da, CCOO eta UGTek patronalari errazten diote langileen lan baldintzak prekarizatzea, beraientzako finantzaketaren eta langileekiko kontrolaren truke, formakuntzaren monopolioa eskeiniz, eta eraikuntzako txartela hedatuz. Hau da, CCOO eta UGTk beste behin, euren interes propioak langile interesen gainetik jarri dituzte. Enpresa moduan ari dira, klase sindikatu moduan aritu beharrean.

Akordio honekin, Nafarroa eta EAEko patronalak (SEA, ADEGI, FVEM, ANEM eta APMEN), CONFEMETALeko kide diren heinean, negoziazio kolektiboaren desarautzearen eta prekarizazio prozesuaren erantzule dira.

Egoera honen aurrean, LABek borroka defendatuko du, hitzarmenak lortzeko, sektore zein enpresa mailan. Ez dago bestelako bidezidorrik.

Urte hauetan aldarrikatu dugun moduan, Euskal Herriak lan harreman eta negoziazio kolektibo propioa behar ditu, bertako errealitate, arazo eta beharrei erantzungo diena. Gaur hau oraindik beharrezkoagoa da.

Instituzio ezberdinei, Eusko Jaurlaritzari eta Nafarroako Gobernuari bereziki, bertoko lan harreman eta negoziazio kolektiboko eredu propioa eraikitzea exijitzen diegu. Ikusle gisa aritzeko garaiak amaitu dira. Euskal Herriak behar du.

 

 

AZKEN ALBISTEAK | ÚLTIMAS NOTICIAS

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.

LABek bat egin du arrazakeriaren aurka kalera ateratzeko deiekin

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.