2025-03-18
HomeEkintza SindikalaBizkaiko Esku-hartze Sozialeko langileok Gizardatzi eta Geroani eskatzen diegu alde batera utz...

Bizkaiko Esku-hartze Sozialeko langileok Gizardatzi eta Geroani eskatzen diegu alde batera utz dezatela 2022az geroztik sektorea hitzarmenik gabe egotera daraman jarrera boikotatzailea

Bizkaiko Esku-hartze Sozialeko langileok 2022. urteaz geroztik hitzarmenik gabe gaude, eta zortzi greba-egun baino gehiago egin ditugu, baita mobilizazio ezberdinak zein barau egunak ere, egiten dugun lana aintzat hartuko duen hitzarmen bat lortzeko helburuarekin.

Joan den martxoaren 27an, LABek eta ESK-k proposamen berri bat argitaratu genuen. Proposamen hori martxoaren 18ko negoziazio-mahaian Gizardatzek eta Geroanek egin zutenari erantzutera zetorren. LABen eta ESKren proposamena langileei bidali zitzaien, baita erakunde guztietako zuzendaritzei eta Gizardatz eta Geroan erakundeei ere. Apirilaren 16an Lan Harremanen Kontseiluan erregistratu zen. Gizardatzek eta Geroanek martxoaren 18an negoziazio-mahaian egin zuten proposamen zitalari erantzutea zen ekimen horren helburua, akordiorako aukera oro urruntzen duen proposamena, alegia. Gizardatzen eta Geroanen erantzuna apirilaren 17ko greba-egunaren deialdiaren aurretik langileei zuzendutako informazio-buletin bat izan zen. Bertan, alderdi honi edozein proposamen aurkezteko “bide ofizialak” erabiltzea eskatzen zaio, baina LABen eta ESKren proposamen berriaren edukiak baloratu gabe.

LABek eta ESK-k uste dugu ez dagoela “modu estraofizialik”, are gehiago, uste dugu garai honetan bide guztiak beharrezkoak direla. Eta Gizardatzi eta Geroani eskatzen diegu boikotatzeko jarrera hori alde batera utz dezatela, dagokien erantzukizuna beren gain hartzeko eta negoziazio-klabean jartzeko.

Horregatik guztiagatik, LABek eta ESK-k mobilizazioen ziklo berri bat ireki dugu, Gizardatzek eta Geroanek Bizkaiko Esku-hartze Sozialeko Hitzarmena blokeatzeari utz diezaioten eskatzeko:


• Gaur, apirilak 29, kalejira Foru Aldunditik Lan Harremanen Kontseiluraino. Bertan, Bizkaiko Esku-hartze sozialeko 32. negoziazio-mahaia egongo da.

• Mobilizazioak areagotuko ditugu hainbat erakunderen aurrean, sektorea hitzarmenik gabe egotearen erantzule direla adierazteko.
• Maiatzaren 13an, 24 orduko itxialdia.
• Maiatzaren 14an, sektoreko greba.

AZKEN ALBISTEAK | ÚLTIMAS NOTICIAS

Bi langile hil dira aurten luma garabiak erabiltzen ari zirela

S.F.P. 62 urteko langilea hil da gaur goizean, eraikuntza lanetan ari zela, Arratzun, Bizkaian. Amuriza Cubiertas y Rehabilitaciones, SL enpresako langilea, luma garabi batekin baserri batetako teilatura materiala igotzen ari zela, goi tentsioko kable batera gerturatu da eta deskarga bat jaso du.

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.